ISAIA 12
12
Tenüngsang Agütsüba Ken
1Iba anogo nung nai ashitsü,
Ni ne nem tenüngsang agütsütsü,
Oh, Kibuba, kechiyong nai kü dang ain adoka liaka,
ne ain adokba meyipa ogo,
aser nai ni süneptsür.
2 #
Ani. 15.2; TKe. 118.14 Ajiang, Tsüngrem kü tekümtet lir,
ni amangtsü aser metsübutsü, kechiyong Kibuba
Tsüngrem kü tashi aser ken,
aser pa kü tekümtet lir.
3Anungji tepela agi nenoki tekümtet tzübu nungi tzü atatsü.
4Aser iba anogo nung nenoki ashitsü,
Kibuba nem tenüngsang agüjang,
pa tenüng nung ja-ang,
kin rongnung, pai inyakbatem metetdakjang,
pa tenüng ajungketa lir ta sangdongang.
5 Kibuba dang ken tenang,
kechiyong pai sentsüwangshia inyakogo;
iba ya alima ajak nung metetdakjang.
6Ola tulu adokang aser ayimtenang,
nenok Zion nung alirtem;
kechiyong Israel Temeshisang nenok rongnung tulu lir.
Currently Selected:
ISAIA 12: AONAGABSI
Highlight
Share
Copy
Want to have your highlights saved across all your devices? Sign up or sign in
Ao Naga C.L. Bible
© Bible Society of India, 2004.
Used by permission. All rights reserved worldwide.
