Popular Bible Verses from MARK 13

Share

Lapen ne men pen apot kadokave atum nangtum aphan hijimji, bonta kejut anta kechechakthek abang jokji.”

Inghongdingnon, lapen no kang-ar penle donon, pima labangso apor komantu vangjima, lake nangtum chinine.

Lapen nangtum aphan nepsi kangsai anghoi angno nangkepon ahut nangtum kopisi ningjejima, lake aphrang pen ning biri, bonta hala-bangso apor ahut nangtum aphan nangkepi alam alingle nangtum ning-jenon. Pima nangtum keningjeji alam ke nangtum methang alam kalidetji, bonta lake Karjong Kangthir pensi vangji.

Sining lapen pirthe avedetji, bonta nelam hei hei ke doverji.”

“Bonta Po apar ke, sining apherangke atum tame, kalite Sopo settame, baduta halabangso arni lapen apor chinine.

Bonta ron kechedan lapen ron kechedan dojibon pu alamjir nangtum karjulong ahut nangtum matha-it-atri. La plangvek nangji, bonta lake kejut kalilang.

Tangte nangtum inghongdingnon, pima hem ahemphu komantusi vangjine, lake nangtum chinine. Lake arni kangsam ahutta thek, jirlo ahutta thek, voku ahutta thek, kalite adapprang ahutta thek. Alangli tongsekot pen kevang ahut, alangli nangtum aphan mekjangklip nangthek longledet nangji. Tangte ne nangtum aphan nangkepu alam ke kadokave aphantalo: nangtum inghong dingnon!”

Pima det ahotur det, lapen rat ahotur rat che-thurji. Bithe bitha adim chikli vangji lapen akhim thurji. Lahei hei ke oso pirthe kepahache ahut arlosomar atum akesung kepangcheng ben asonlang.

Lapen aphrangke kadokave amonit atum angno birta keme than pachethangpet nangji.

Ake-ongpi amonit atum nemen pen vangsi pupo, ‘Neli helo alanglilo!’ Lapen halatum ake-ongpi atum aphan pamanghuji.

“Bonta nangtum methangle chere-hurnon. Pima halatum nangtum aphan panepsi nangtum aphan arong arong kangsai amei hei hei arideng hodaiji. Sinagog hei hei along nangtum aphan areng pasoji; lapen ne pen apot halatum angno haki kepijisi nangtum det kechepahemphu atum lapen recho atum angno arjapji.

Pima kechobei a-Khristo atum, lapen kechobei amontri atum thurji, lapen jongsi un tangte, kangvaitang atum aphanta kepamanghuji aphan halatum akemanghumeme angthek lapen kematha abidi kejutdet akam hei hei klemji.

“Bonta halabangso arni hei hei ahut, atheke halabangso akesungpik ahut jutdet aphi, arni ingtingthipji, lapen chiklota khelanledetji, lapen chiklolongso atum sining pen ingjuipreji, lapen sining athak kedo ajakong hei hei aphan terekji.