Popular Bible Verses from MARK 12

Share

Jisu thakdunsi pulo, “Kethenei ahukum lahelo, ‘Arjunon, O Israel atum! Hemphu inutnat, Hemphu helo etum a-Arnamlo. Nangtum Hemphu aphan, atheke Arnam aphan nang ning ajakong an pen lapen nang karjong ajakong an pen, lapen nang ning kematha ajakong an penle lapen nang jakong ke do-an penle chinghonnon.’ Adun kethenei ahukum lahelo, ‘Nangmethang aphan kechinghon asonthot-le tebok abang aphan chinghonnon.’ La sonni apar akethemu ahukum avelo.”

Alangli amethang asangho atum aphan chehangpetsi halatum aphan pulo, “Chenamsi ne nangtum aphan nangpulang, ladak tangka Asinduk along tangka nang-kethap atum angbong la kedukdet ahemepile kethap ongneilo. Pima kadokave atum ke amethang kedortang atangka angbong pensi pilo, bonta labangpi ke amethang akedorde angbong pen kedo an atangka, atheke amethang choche selesi pidet-lo.”

Jisu tangka apuru athengno along ingnilunsi monit atum tangka apuru along tangka nangkethap langdun ding bomlo. Keplang-o ake-ongpi atum ke tangka thap-olo. Ansi inut kedukdet ahemepita hadak vangsi tam atangka paini thap-lo. Lake poisa isi anta komchet-lo.

Lapen alangliphan ning ajakong an pen, lapen ning kematha ajakong an pen, kedo-an ajakong pen kechinghon, lapen amethang aphan kechinghon asonthotsi tebok abang aphan kechinghon ke me kephrin-i athok hei hei lapen akaprek athok hei hei apar memulo.”

Ansi Jisu halatum aphan pulo, “Recho amar Recho aphan, lapen Arnam amar Arnam aphanle pinon.” Ansi halatum alangli kepu alam pen apot manghuphrong-lo.