Popular Bible Verses from Johane 17

Share

Ubasalazye abwini bwako, ijwi lyako mbobwini

Mboobu buumi ubutamani, kuti bazibe nduwe, Leza mwini-mwini, ooli olike, ayooyo ngookatuma, nguwenya Jesu Kristo.

Tabali aba balo mbenkombela, pele abaabo boonse abandisyoma nkaambo kejwi lyabo, kuti boonse babe bamwi, mbuli nduwe Taata mboli mulindime, amebo mulinduwe, kuti abalo mbubonya babe mulindiswe, kuti inyika ikasyome kuti nduwe owakandituma.

Nsikumbili kuti ubagwisye munyika, pele kuti ubavune kulooyo mubi.

Abwalo bulemu mbookandipa ndabupa mbabo, kuti babe bamwi mbubonya mbotuli bamwi, mebo ndibe mulimbabo, ayebo mulindime, kuti bazuzigwe kuba bamwi, kuti inyika ikazibe kuti nduwe owakandituma, nduwe owakabayanda mbubonya mbookali kundiyanda amebo