Popular Bible Verses from Johane 16

Share

Ncendamwaambila zintu ezi kuti mulindime mube aluumuno, Munyika mulaba amapenzi, pele amulimbe myoyo, ndakiizunda nyika.

Nokubaboobo asika oyo Muuya wabwini, uzoomweenzya mubwini boonse. Nkaambo takoozoolyaamba mwini, pele uzooamba ezyo nzyati kamvwe, alimwi uzoomuyubulwida zintu iziciza.

Mbukwaali kuba tamunakumbila cintu muzina lyangu. Amukumbile, muyoopegwa, kuti kukondwa kwanu kuzyulile.

Nokubaboobo ndamwaambila kasimpe kuti, Nceceelede kulindinywe kuti ndiinke, nkaambo ndatainka Mugwasyi takooyoosika kulindinywe, pele kuti ndainka ndiyoomutumina nguwe. Walo asika, uzooipa mulandu inyika aazibi, aabululami, aalubeteko

Anywebo mulausa eno pele ndiyoomubona alimwi, myoyo yanu iyookondwa, akwalo kukondwa kwanu takukwe uuti kamunyange. Kubuzuba obo tamukwe ncomuyoondibuzya. Ncobeni ndamwaambila kasimpe, Kufumbwa cintu ncomuyookumbila kuli-Taata muzina lyangu uyoomupa

Ncobeni ndamwaambila nkasimpe kuti mulalila akoomoka, pele inyika iyoobotelwa. Alimwi muyoousa pele kuusa kwanu kuyoosanduka kubotelwa.