Popular Bible Verses from 1 Johane 4

Share

Taakwe kuyoowa muluyando, pele luyando lulondokede ndolugwisya kuyoowa, nkaambo kuyoowa nkokujisi mapenzi. Oyo uuyoowa talondoledwe muluyando.

Nobana bangu, inywe muli ba-Leza, aboobo mwakabazunda, nkaambo oyo uuli mulindinywe mupati kwiinda oyo uuli munyika.

Swebo tulamuyanda nkaambo nguwakasaanguna kuyanda ndiswe.

Nobayandwa, aruyandane, nkaambo kakuti luyando ndulwa-Leza, nkabela umwi aumwi uuyanda ulizyedwe kuli-Leza, alimwi ulizi Leza

Oyu uutayandi tamuzi Leza, nkaambo Leza nduluyando

Olu nduyando ncobeni, Teensi kwaamba kuti swebo twakayanda Leza, pe, pele walo nguwakatuyanda swebo akutuma Mwanaakwe kuti azoobe mulungo wazibi zyesu

Nobayandwa, kuti Leza wakatuyanda boobo, aswebo tuleelede kuyandana umwi aumwi

Luyando lwa-Leza lwamulindiswe lwakaboneka boobu, nkaambo Leza wakatuma Mwanaakwe simuzyalwa-alike munyika, kuti tujane buumi kumaanza aakwe.

Na muntu wati, Ndamuyanda Leza, nekubaboobo ulasula mweenzinyina, oyo mubeji, Nkaambo oyo uutayandi mweenzinyina ngwabwene takonzyi kuyanda Leza ngwatanabwene.

Kufumbwa muntu uuzumina kuti Jesu ngo-Mwana wa-Leza, Leza ulikalilide mulinguwe, alakwe ulikalilide muli-Leza.

Nkabela ngooyu mulazyo ngutwakajana uuzwa kulinguwe, wakuti oyo uuyanda Leza uleelede kuyanda mweenzinyina alakwe.

Nobayandwa, mutazuminini myuuya yoonse, pele amusoleke myuuya na njiya-Leza, nkaambo basinsimi banji babeji mobali kale munyika, Mbuboobu mbumuti zibe Muuya wa-Leza! woonse muuya uuzumina kuti Jesu Kristo wakaboola munyama nguwa-Leza.

Pele muuya woonse uutazumina kuti Jesu Kristo wakaboola munyama tuuli wa-Leza, oyu ngomuuya wa-Sikulwanya-Kristo, nkaambo mwakamvwa kuti ulaboola, lino kuciindi ecino muuli kale munyika.