Popular Bible Verses from 1 Johane 3

Share

Nobana bangu, luyando lwesu lutabi lwamajwi buyo niluba lwalulumi, lube lwamulimo alwalusinizyo.

Lino luyando lwa-Leza tulalubona boobu, nkaambo wakatutulila buumi bwakwe, nkabela aswebo tuleelede kutula buumi bwesu nkaambo kabeenzuma.

Amubone mbulubede olo luyando lupati ndwaakatupa Taata lwakuti tubandwe kuti mbana ba-Leza, nkabela mbubonya obo mbutubede ncobeni. Nkaambo kaako nyika tiituzi, nkaambo alakwe teeyakamuzi.

Oyo uucita zibi nguwa-Saatani, nkaambo Saatani wakabisya kuzwa kumatalikilo. Nkabela kaambo nkaakayubunwidwa Mwana a-Leza nkaaka, kuti ajaye milimo ya-Saatani.

Umwi aumwi uuzyedwe kuli-Leza taciti zibi, nkaambo imbuto yakwe icikukalilide mukati, aboobo takonzyi kubisya, nkaambo wakazyalwa kuli-Leza.

Pele oyo uujisi imbono zyaansi ano, nekubaboobo naabona mweenzinyina uubulide ulamujalila luzyalo lwakwe, ino luyando lwa-Leza lulakala buti mulinguwe?

Oyo uubamba milazyo yakwe ulakalilila mulinguwe, alakwe mulinguwe. Alimwi mbuboobu mbutuzi kuti ulakalilila mulindiswe, nkaambo ka-Muuya ngwaakatupa.

Lino bana ba-Leza abana ba-Saatani balazibwa boobu. Umwi aumwi uutaciti bululami tali wa-Leza, naba oyo uutayanda mweenzinyina.

Aya ngimakani ngimwakamvwa kuzwa kumatalikilo, kuti tuleelede kuyandana.

Mutagambi, nobakwesu, kuti nyika yamusulaika.