Popular Bible Verses from 1 Johane 5

Share

Lino kaanzambwene nkitujisi kubusyu bwakwe nkaaka kakuti, na twakumbila kufumbwa cintu cili buti cili mbuli makanze aakwe, ulatumvwa.

Nkabela na tulizi kuti ulatumvwa, coonse ncotukumbila, tulizi kuti tulijisi zikumbilo nzitwamukumbila

Oku nkokuyanda Leza, kuti twabamba milazyo yakwe, alimwi milazyo yakwe tiili miyumu. Coonse cili buti cizyedwe kuli-Leza cilazunda nyika, nkabela luzundo luzunda nyika ndoolu, ndusyomo lwesu.

Oyo uujisi Mwana ulijisi buumi, pele oyo uutajisi Mwana wa-Leza tajisi buumi, pe.

Ezi zintu ndakazilemba kulindinywe nomuzumina kuzina lya-Mwana wa-Leza, kuti muzibe kuti mulijisi buumi butamani.

Tulizi kuti umwi aumwi uuzyedwe kuli-Leza tabisyi, pele Oyo iwakazyalwa kuli-Leza ulamubamba kabotu, kuti Mubi atamukumi.