Popular Bible Verses from Mataio 6

Share

Ia mii vile lexe ngingi nga'oxonu tei aloxo, ngingi ngaxolu ngataloxolingenge no laaxu Lataua mo ngalomuxu la sou Anu ulosinge mimii latala kalumo.

Aloxo ne la sou ngaxavutala sou ne'iela mamu, Xo ne'iela ne anu voxo vilemo, xe tu'umaxu sou voxo vilevilesi ne anu iou vilesisi uasi.

Mo Iesu muavuti la muvikalane'i ta mitema la aloxo 'o, “Mamu sou ngaxavutala piena no anu maulingenge mo ngavikala lexe nenge ta'ou mii ma'ia mo taiexu mii ma'ia xe tasakiinu mii ma'ia sou vasimenge? Xo la'ilali anu utila no anu maulingenge mo tokolomo kalumo utila no anu maulingenge? Uasi.

Ia voxo e lexe nini namasaxa sou nakilaka la nini na'unalai no kaveutu noxine mo natatu ukalu la sou nakilaka ulai noxou Mamine muxolu mutalume. La sou Mamine umaisou mimii e ngingi nge'oxonu mutalume ne, la sou Anu ulosinge ulumengi.

Ngingi ngakilaka aloxo 'o, “Mamixe nini nexoo teitexi no opo loxotolo, laixe nexi tatoxonu ualasine. Laixe nini nalu'e nasaxila'u tuala ane no lia 'o. Mo laixe talomuxene no lia 'o loxo ane'i ilolomuxene teitexi no opo loxotolo.

Vaimomo 'o nalosixe la'ilali sou nexi ta'ou voxovoxo.

Naxiunu tumalineu 'ili'ilixo masumasua noxixe aloxo nexi taxiunu tumalixeu 'ili'ilixo masumasua noxi'a ane'i ane mi'oxo masua mune'e noxixe.

Mamu sou naolenexi ulai no anu mimii sou tovotovo. Ia naolenexi ulai va'axu no anu 'ili'ilixo ane masumasua. (Xo saxisaxila'u ne noxinesi mo xavi mo lamana anu kaluxu uasi. Manina.)

Mo lexe ngingi ngaxiunu tumalingeu 'ili'ilixo masumasua ane ta mitema mi'oxonu une'e noxinge la Maminge uxolu teitexi no opo loxotolo kalumo uxiunu tumalou 'ili'ilixo masumasua noxinge.

Loxo naxavutalane'i ta ngiala, ane'i ilavusou itotounu xai mo imolo la'ilali uasi mo, ane'i si'a tani sou ipitanu la'ilalixa'a no anu uasi. Ia Maminge anu muxolu no opo loxotolo molu ulosi'a la'ilali. Io ngingi ne loxo ta ngiala uasi ngingi ne tatila musuku noxi'a mo ngeuaulixa'a.

Mo mamu ngingi xavutalamengi utulu no anu lamoli mo lavuluti e ngamulaxu no lia 'o. Xo lamoli mo lavuluti ne ngamulaxu la tatotoxae ixotosou mo uai la ukukakuka la usu'a, xe ta mitema sou pakali i'una no tani la ipakalinu. Ia anu laixe lexe ngingi xavingengiu lamoli mo lavuluti sou teitexi mo ngamulaxu. Xo lamoli mo lavuluti ane teitexi ne tatotoxae ixotosou mo uai la ukukakuka xe ta mitema sou pakali imomomo sou i'unalai la ipakalinu uasi. Xo no tuala ane ne mimii lailaixe noxinge a uai no anu ne ia tanenge mo xavutala menge a uxolu lai ne kalumo.

Itema sou xaixai vile umomomo sou uxaxai noxi'a ta tatila noxou tamei uasi. Xo maasi xe xavutala noxou ukalipala, la anu umasaxau vile uasi, ia tanu vulusiu ane vile aloxo ne la sou ngingi ngamomomo sou ngaxaxai no iou Lataua xe ngaxaxai sou lamoli kalumo uasi.”

Ia lexe Lataua utokolomonu iaiae no anu seseenu ane uleme vaimomo 'o xe ne'iela la ta mitema ixotosou sou i'elaxu, la anu utokolomongengi laixe manina musuku uuaulixu sesee ne. Ae, ngingi ta mitema ane ne ngemulaxu tangengi noxou Lataua kitu'asi ne.

Lexe ngingi ngalosi'a ta mitema ane pausi'a no anu mimii no avonge tema. La mamu sou avonge ae ulavusou mii ma'ia ane avonge tema u'oxo'oxonu. Mo sou su'uli noxinge ne utalumesi. Ngingi nga'oxonu aloxo ne la Maminge umaisou mii ma'ia ane nini ne'oxonu mutalume ne la Anu ulosinge ulusou.

Mo Iesu musolonu vaivaikala noxou la muvikala aloxo 'o. “Ngasaxilainge laixe mamu sou ngingi nga'oxonu 'ili'ilixo mulapu no ie'i ta mitemasi sou imaisinge. Xo lexe ngingi nga'oxonu aloxo ne la umomomo sou Maminge teitexi no opo loxotolo ulosinge ulusou vile uasi.

La sou no mine ngingi ngapelemu la ngakasangi loxo ta mitema sou kalakalavoi i'oxo'oxonu mamu. Ane'i i'oxonu ie'i uolevolo sou lexe ta mitema imaisi'a lexe ane'i mipelemu. La sou eni avikalangengi aloxo 'o, ane'i mino'u ulusou mukalu. Ia no mine ngingi ngamasaxa lexe ngapelemu la nga'ulo mo ngamulaxu mii tuma'u lailaixe no vasimenge mo iengi. Mo sou ta mitema ilavusou lexe ngingi ngapelemu uasi. La Maminge anusisi e talavusou tamaisou uasi, Anu molusi umaisou mii ma'ia ane ngingi nge'oxonu mutalume ne la sou Anu ulosinge ulusou.