Popular Bible Verses from Mataio 7

Share

Lexe ngalinga utotomu noxou Lataua la Anu ulosinge mo ngakamulinu utotomu la ngaxalisou xe ngapolopolo noxou utotomu la ukisiinu aitenga noxinge.

La sou ane'i ane ilinga noxou utotomu la Anu ulosi'a mo ane'i ane ikakamulinu utotomu la ixalisou, xe ane'i ane ipolopolo utotomu la Lataua ukisiinu aitenga noxi'a.

Aloxo ne la sou lexe ane'i ane ilomusou mo imulinu vaivaikala noxilo 'o, mo imuxaxu no tane'i, la ane'i aloxo itema e xavutalau laixe la mutulusou taasou teitexi no kulukisou.

La nga'oxonu mii ulai noxi'a ta mitema aloxo ngingi ngemasaxa lexe ane'i i'oxo une'e noxinge ne. Xo mimii ane ne mikaukavunu muai no nano no anu lavukusou lapuloto noxi'a ta mitema sou palomatana.

Ia aitenga mo vote'i ane ulai no tualasou mauli ne kitu'asi, la ta mitema ta ta'eisi i'unalai no anu.

Mo ngingi xavingengi sou nga'unalai no anu aitenga kitu'a. Xo aitenga mo vote'i ane ulai no anu taxasou navunavu ne toxoxa'a, la anu se'isisi noxi'a ta mitema tavu'alo sou imulinu.

Aloxo ngingi ta mitema ta masua, ia ngelavusou ngalosi'a ta 'ilinge mimii lailaixesi. La sou loxovaa noxou Maminge ane muxolu teitexi no opo loxotolo ulavusou ulosi'a ane'i ane ilinga mimii lailaixe.

Mamu sou ngatilovosou 'ilixoi'a ta menexinge, mo sou Lataua utilovosou 'ili'ilixomengi uasi. Xo Lataua utilovosou 'ili'ilixomengi iou vilesisi aloxo ngingi ngetilovosou 'ili'ilixoi'a ta menenginge ne. Mo utilovosou 'ili'ilixomengi iou vilesisi aloxo ngingi ngetilovosou 'ili'ilixoi'a ta menexinge.

Ia ane'i ane ulomusou vaivaikala noxilo 'o, ia imuxaxu no tane'i mo imulinu uasi, la ane'i aloxo itema e xavutalau laixe uasi, la mutulusou taasou teitexi no i'oii'oi.

Ia tava'u loxovaa la sou namaisou 'ili'ili se'i no iou itema vile noxou Lataua e anu loxo vivine, ia nini namaisou ovu alelaxu e muxolu no ieni ne ua. Nini namaisou ovu alelaxu uxolu no ieni uasi io loxovaa la sou navikalanu vivine lexe, ‘Vivilo ieni uvaxailosi mo axexeenu, 'ili'ili no ieni.’

Ngingi ngasaxi laixe noxi'a ta mitema sou palomatana kalakalavoi, xo ane'i itokolomoxu sipsip laxusou no ale no vasime'a, ia opone'i ne loxo ta a'aa ta vova. La sou nenge tatongone'i ta mitema sou palomatana kalakalavoi aloxo, nenge tatongonu ovuovu no anu ngiangiaxu. La sou ta mitema imomomosou ielexu ovu ngiaxu no anu xuxua uasi mo uaini ngiaxu no anu lamota anaanaxu uasi.

Aloxo ne la ovuovu laixe ne unene'a la uxalixu temanu laixe ia ovuovu ane masua unene'a la tematemanu ne anu masua.

Ovu laixe umomomo sou unene'a la temanu masua uasi, mo ovu masua anu umomomo sou unene'a la temanu laixe uasi.

Ovuovu tavu'alo ane ne ulavusou unene'a laixe uasi, la ixeta'u ka ileanu ulu'elai no navu.