Popular Bible Verses from Mataio 5

Share

Ta mitema ilavusou itoisou lalamo ka itaa u'unalai no nano no ti'a uasi, ia ane'i imulaxu teitexi no valovalosi sou ukaa si'a ta mitema tavu'alo e ixolu no nano no tani. La sou anu iou vilesisi aloxo nini ne loxo teelu sou ukaa la lamanaxu ne uieisi'a ta mitema mo ane'i imaisou 'ili'ilixo laixe ngingi nge'oxonu la sou ane'i i'itinu ualasou Maminge e muxolu teitexi no opo loxotolo.

Ngingi loxo teelu si'a ta mitema iouiou no tuala xalexalee ukalusi tuala vile uxolu teitexi no laxa'ilu la anu utalume uasi.

Ane'i ane opone'i malemalenga la ane'i i'osa xo Anu ualusi'a mo ili'i la ane'i imaisou Lataua.

Ane'i ane isoisolixa'a sou imulinu 'ili'ilixo mulapu la ane'i i'osa xo Anu ualusi'a ili'i la ane'i i'ana'ana, no anu 'ilixo sou imulinu masaxa noxou Lataua utotomu.

Ia eni avikalangengi aloxo 'o, ngamasaxai'a ta uluamengi mo ngakilakasi'a ane'i ane i'oxonu masuangengi.

“Ane'i ane ulene'i iu lavuluti uasi la ane'i i'osa ili'i la Anu ualusi'a xo ili'i la ane'i ixolu no anu saxisaxila'u noxou Lataua teitexi no opo loxotolo.

Ane'i ane ixolixoline'i ta mitema no anu 'oto'oto sou ukalu la ane'i i'osa xo Lataua ualusi'a la nenge tamoxo'a lexe ane'i Lataua ta 'olu.

Ane'i ane itatama la ane'i i'osa xo ili'i la Anu ualusi'a mo uxolixoline'i.

Ane'i ane mi'oxo masuane'i xo mi'oxonu 'ili'ilixo mulapu la ane'i i'osa xo ili'i la Anu ualusi'a mo ane'i ixolu no anu saxisaxila'u noxou Lataua teitexi no opo loxotolo.

Ane'i ane i'oxo alauna la ane'i i'osa xo Anu ualusi'a mo u'oxo alauna noxi'a ili'i.

Ngingi ane ta mitema ilevetesinge mo i'oxomasuangengi mo ivikalasinge masumasua mo ikalavoisinge xo ngemulinu Itema 'Olu ne, la ngingi nga'osa. Ia ngingi na'osa mo ngalei xo ulumengi ne tatila a uai teitexi no opo loxotolo xo 'ilixo ane ane'i mi'oxonu noxine ne anu iou vilesisi aloxo ane'i mi'oxo masuane'i ta mitema sou palomatana tei.

Ane'i ane italoxolixa'a ilu'elai la ane'i i'osa xo ili'i la Anu ualusi'a la lia ane 'o ne ane'i na'a.

Ngingi loxo au si'a ta mitema iouiou no tuala xalexalee ukalusi ia lexe au ne tu'axu ukalu la nenge talivu noxu tu'axu a loxovaa, xo au ane loxo ne la xaixai vile no anu uasi ta mitema isu'anusi ka imalamalaxo'u no tava'a.

Ngingi ta mitema ngaxolu ngalapu manina loxo Maminge muxolu no loxotolo ne Anu mulapu manina.”

La sou laixe lexe vaikala mengi ne manina, la nini navikalasi lexe manina xe uasi la nini navikalasi lexe uasi. Xo vaikala se'i la utelo no latanu ne molu noxou itema masua.

Mo ngingi ngalomu sou ane'i mivikala aloxo 'o, ‘Lexe itema vile uvene no ieni la nini nakolinu mo navau no iou xe uvene no anaxene la nini nakolinu mo navau no anaxu.’ Ia eni avikalangengi aloxo 'o. Lexe itema vile u'oxo masuaneni la nini nakolinu uasi. Mo lexe usavaline no xaleneni tema la natolosou xaleneni ae la ulai mo anu usavaline la.

La sou lexe ieni tema ususulixene sou na'oxonu 'ilixo masua la laixe lexe nini naluvunu mo nasuanu. Anu laixe lexe vasimene xalee vilesisi ne usua loxo io ili'i la vasimenge ukalusi ulai no navu ane kaluxu uasi. Mo lexe avonge tema ususulixene sou na'oxonu 'ilixo masua no anu, la laixe lexe nini naxotonu mo nasuanu. Anu laixe lexe vasimene xalee vilesisi ne usu'a loxo io ili'i la vasimene ukalusi ulai no navu ane kaluxu uasi.”