Popular Bible Verses from Matyu 26

Share

Uruninan guli malbingö sihimŋi mörakzinmö, sileninan lölöwöröŋi akza. Miaŋgöra esapesapnöŋ et eŋgubapuköra mönö köuluköba guliguli malme.”

Nalö miaŋgöreŋ kewö jii mötket, “Nöŋgö urunan mönö kondum köla kotzawaŋgöra aka wösöbirik mötpiga kömukömuŋi ak niŋgiza. Iŋini ölöp kiaŋgöreŋ tata nömbuk guli malbin.”

Mewö jiba nanŋök borom kun toroqeba anda simin köla sipköba kewö köuluköba jiyök, “Iwini, gi yuai kun qahö mölölömbizan. Miaŋgöra sihimgi ahöza ewö, sihimbölögö qambiŋi kiaŋön mönö nöŋgö qakne öŋgöbapuköra noaŋgitman. Noaŋgitman me qahö, mi mönö nangi jit keugahö dop asuhuma. Mi nöŋgö sihimgö dop qahö.”

Ki nani sepni. Mi Anutunöŋ ambazip yembuk jöhöjöhö areŋ aiga köhöimapköra sepni mokoget geiga ambazip gwötpuk yeŋgö siŋgisöndokŋini mosötma.

Nene nemba tata Jisösnöŋ beret memba kötuetköba mindipköba eŋgiba kewö jiyök, “Ki nani busuni. Ki memba neget.”

Mewö jiba wain qambi memba saiwap jiba eŋgiba kewö jiyök, “Iŋini körek qambi kiaŋgöreŋök neget.

Mewö jiba liliŋgöiga gwarekurupŋi karöbut yeŋön gaun ahöget eŋgeka Pitögö kewö jii mörök, “Iŋini aua mohot-töp nömbuk guli malbingö kude köhöize me?

Nöŋön keu kun kewö jibi mötket: Nöŋön wain kösögö ölŋi ki kiaŋgöreŋ kunbuk toroqeba qahö nemam. Könaŋgep Iwinaŋgö bemtohoŋ uruŋe eu taringa közölömbuaŋ almawi, wehön miaŋgöreŋ mönö wain o qainŋi kun mia nemam.”

Kuruk qeri möta Jisösnöŋ keu kewö jii möröhi, mi mötmöriyök, “Göŋön mutuk indimŋi karöbut qaŋ köl niŋginöŋga kuruknöŋ qetma.” Keu mi mötmöriba wösöŋi julmamgö aiga yaigep geba sahöt böliyök. Mewö.

Mönö wahötketka anin! Mamalolo mem niŋgimawi, yaŋön mönö dowe ki kaza.” Mewö.

Jisösnöŋ mi eka kewö jii mörök, “Mönö mosötnöŋ! Bimgö sou ketaŋi körök memei, i mönö körek bimgö sou ketaŋan eŋgui kömume. Miaŋgöra mönö sougi kupinŋe qenöŋ geyök!