Popular Bible Verses from Matyu 25

Share

Mewö jigetka Kiŋ Kembunöŋ meleŋda kewö jii mötme, ‘Nöŋön keu ölŋi kun kewö jibi mötme: Iŋini nani urumeleŋ alaurupni etqeqeŋi kieŋgöreŋök kungöra yuai kun akeri, mi pakpak mönö ni ak niŋgiba malget.’

“Mewö jiiga azi kembuŋan kewö meleŋ waŋgiyök, ‘Mi ölöp. Gi nup meme azi ölöpŋi memburik-qemburiki qahö. Gi yuai awamŋi memba mi kapaŋkapaŋ aka galöm köla malnöŋga sehiyök. Miaŋgöra nöŋön yuai gwötpuk göhö böröge albi miaŋgö galömŋa malman. Ölöp kaba azi kembugi nöŋgö miri uruŋe kaŋgota mohotŋe sösöŋgai aka malbin.’

“Dopkeu kiaŋgö könaŋi kewö: Denike yeŋgöreŋ yuai ahözawi, körek yeŋgöra mönö toroqeba eŋgiget sehiiga keleŋmaleleŋ ahöm eŋgima. Mewö sehimapmö, kungöreŋ yuai kun qahö ahözawi, yaŋgöreŋ yuai mi mönö mewöyök waŋgitketka öne töhöntöhön malma.

Jisösnöŋ söpsöp keu mewö jiba gwarekurupŋi yeŋgöra keu kewö jii mötket, “Iŋini ni kamamaŋgö nalöŋi me auaŋi kude mötzeaŋgöra mönö uruguliguli aka malme.” Mewö.

‘Mi kewögöra jizal: Nöŋön yakanaŋgö kömumba malbiga iŋini nene niŋgiba malget. Nöŋön ogöra qemjeŋ qeba malbiga iŋini o niŋgiba malget. Nöŋön kian aka malbiga iŋini köl öröm niŋgigetka miriŋine öŋgöba malal.

“Mewö jiiga azi kembuŋan kewö meleŋ waŋgiyök, ‘Mi ölöp. Gi nup meme azi ölöpŋi memburik-qemburiki qahö. Gi yuai awamdökŋi memba mi kapaŋkapaŋ aka galöm köla malnöŋga sehiyök. Miaŋgöra nöŋön yuai gwötpuk göhö böröge albi miaŋgö galömŋa malman. Ölöp kaba azi kembugi nöŋgö miri uruŋe kaŋgota mohotŋe sösöŋgai aka malbin.’

Nöŋön sile esunaŋgöra osiba malbiga iŋini opo kereŋ niŋgiba malget. Nöŋön kawöl nöhöi ahöbiga iŋini galöm köl niŋgiba malget. Nöŋön kösö mire malbiga iŋini ni nekingöra miaŋgöreŋ kaba malget.’