Popular Bible Verses from Matyu 24

Share

“Iwilele Toŋan sehiba ambazip galöm köl eŋgimawaŋgöra aka urumeleŋ ambazip sehisehiŋi yeŋgö uruŋinan amöriiga urukalemŋinan sörörauma. Kunŋan kapaŋ köla köhöiba böŋ qeba kinda maliga gölmegö nalöŋan tekömawi, yaŋön mönö oyaeŋkoyaeŋ buŋa qem aŋguma.

Anutugö bemtohoŋaŋgö Ölöwak Buŋa ki mönö mutuk gölmegö kantriŋi kantriŋi pakpak miaŋgöreŋ jim sehigetka könagesö dop naŋgönaŋgö keuŋi mötketkun gölmegö nalöŋan miaŋgö andöŋe teköma.” Mewö

Iŋini yarö mieŋgö buzupŋini aka ötöŋini asuhugetka mörakŋe. Mi möta jönömŋini undubapuköra mönö galömŋini meme. Yuai mewöŋi mi mutuhök asuhumapkö jijiŋa. Mi asuhumapmö, gölmegö nalöŋan mönö miaŋgöreŋök zilaŋ qahö teköma.

“Kantri kunŋan kantri kun eŋgubingöra wahötme. Ambazip kambu kunŋan kambu kun yembuk aröŋ aŋgubingöra wahötme. Gölmeŋi gölmeŋi miaŋgöreŋ bödiŋi bödiŋi (buöröŋi buöröŋi) asuhume aka kenöŋ ketaŋi ketaŋi mi qözöla memba gölme meleŋni gemakŋa. Yuai pakpak mi ambi köröbuknöŋ masi könahiba eŋgumakzawaŋgö dop. Gölmegö nalöŋan mönö miaŋgö dop könahiba tekömamgö akŋa.

Suep gölmenöŋ ayapkömahotmö, nöŋgö Buŋa keunan mönö nalö kunöŋ qahö ayapköma.” Mewö.

‘Ambazip gwötpukŋan asuhuba nöŋgö qetne kewö jime, ‘Nöŋön Amötqeqe Toŋi Kraist akzal’. Mewö jiba ambazip gwötpuk tilipköm eŋgime.

“Mewö akŋapmö, nalö miaŋgöreŋ tosatŋan iŋini uruŋini meleŋgeraŋgöra aka gawman yeŋgö böröŋine al eŋgigetka sihimbölö ak eŋgiba eŋguget kömume. Kantri pakpak yeŋön nöŋgöra aka kazik ak eŋgimakŋe. Nalö miaŋgöreŋ gwötpukŋan mötnaripŋini mosöta aŋgönaŋ memba kazik ak aŋgume. Kezapqetok ambazip takapulakaŋi gwötpukŋan asuhuba ambazip gwötpuk kilik-kaluk ak eŋgigetka jaŋjuŋ anakŋe.

Mewö qesim waŋgigetka meleŋda kewö jiyök: “Kunŋan isimkakalek aiga jaŋjuŋ anbepuköra mönö galömŋini memba malme.

Iŋini ‘Suep gölmegö azi ölŋan nalö kiaŋgöreŋ qahö kaŋgotma,’ jiba mötmörigetka yaŋön mönö nalö miaŋgöreŋök kaŋgotma.” Mewö.

“Kembunöŋ kamawaŋgö nalöŋi me auaŋi qahö mötzeaŋgöra mönö uruguliguli aka malme.

“Suep gölmegö azi ölŋan kamapmö, dawinöŋ kam kuŋgumawi, miaŋgö wehönŋi me aua nalöŋi mi kunŋan kun kude mötza. Suep garatanöŋ mi qahö mötze. Anutugö Nahönŋan mewöyök mi qahö mötza. Iwinöŋ nanŋök mi mötza.

Mi kewögöra: Amötqeqe toŋi muneŋi aka kezapqetok ambazip takapulakaŋi asuhuba aŋgöletot aka aiwesök ketaŋi ketaŋi megetka letotme. Mewö letotketka Anutunöŋ ambazip nanŋaŋgöra möwölöhöm eŋgiyöhi, i mewöyök eŋololoŋ mem eŋgimegö esapköba kapaŋ kölgetka jaŋjuŋ akepuk. Eŋön ölöpŋanök galömŋini memba malgetka mi osibeak.

Mönöwök Noagö nalöŋe ambazipnöŋ malmalŋini qemasolokep qakŋe mala ayuhugeri, miaŋgö dop mönö Suep gölmegö azi ölŋan kunbuk kamawaŋgö nalöŋe asuhuma. “O göulu ketaŋan qahö kaiga qeljiŋe miaŋgöreŋ ambazip nene lömbuaŋ ala o köhöikŋi nemba ambi kenam bohonŋaŋgö alget anda kaiga aŋgömeget. Ahakmeme mewö aka memba qemasolokep malgetka Noanöŋ waŋge uruŋe öŋgöyöhi, silim miaŋgöreŋ teköyök. Teköiga wanat yuai asuhumawi, mi qahö mötketka o göulu ketaŋan kaba jinonŋi qahö ayuhum eŋgiyök. Könaŋgep Suep gölmegö azi ölŋan kunbuk kamawi, nalö miaŋgöreŋ ambazipnöŋ mewöŋanök qemasolokep aka mala ayuhume.