Popular Bible Verses from Maˍkuˆ li‸ 11

Share

Hkʼe te leh, ngaˬ nawˬ hui hta‸ kʼoˆ laˇ ve, nawˬ hui bon lawˬ ve awˬ hkʼaw lo hkʼa lawˬ ve hkʼa peu-eˬ hta‸ gʼa tuˬ yoˬ teh‸ yonˍ loˬ. Oˇ hkʼe yonˍ ve kʼo, nawˬ hui gʼa tuˬ yoˬ.

Ngaˬ nawˬ hui hta‸ awˬ teh‸ awˬ na kʼoˆ laˇ ve, chaw hkʼaˬ ve teˇ gʼaˇ maˇ kʼoˆ, yawˇ kʼoˆ ve hkʼe hpeh‸ la tuˬ yoˬ teh‸ yonˍ leh, nyi ma htawˇdawˇnawˬdawˇ maˇ te ve kʼo, hkʼaw chi teˇ shiˍhta‸, Jiˆ tawˆ-e leh laˇ tsuhˇ gʼuiˬ awˬ hkʼaw lo ca ce lo‸-e loˬ teh‸ kʼoˆ ve teˇ yanˇ, yawˇ awˬ pon hpeh‸ la tuˬ yoˬ.

Nawˬ hui huˉ taˍ leh bon lawˬ chehˇ ve teˇ yanˇ, chaw teˇ gʼaˇ gʼaˇ awˬ hkʼoˆ hta‸ nawˬ venˇbaˆ taˍ ve kʼo, venˇbaˆ oˇ ve hta‸ hpehˇ hkʼa-o. Oˇ hkʼe te ve kʼo, mvuhˇ naw ma hkʼoˆ chehˇ ve nawˬ hui ve Awˬ pa lehˬ, nawˬ hui ve venˇbaˆ hta‸ htawˇ hpehˇ hkʼa laˇ tuˬ yoˬ teh‸ kʼoˆ ve yoˬ.

Yeˍsuˆ yawˇ hui hta‸ kʼaw‸ kʼoˆ piˇ ve, Gʼuiˬsha hta‸ yonˍ loˬ.

Yawˇ yawˇ hui hta‸ maˍ piˇ ve, Ngaˬ ve yehˬ hta‸ chaw teˇ ceuˬ le le awˬ pon bon lawˬ kuiˬ yehˬ gʼa kʼoˆ tuˬ yoˬ teh‸ bvuh‸ taˍ ve htawˇ, nawˬ hui lehˬ, yehˬ chi hta‸ chaw hkʼawˇ chehˇ kuiˬ hpeh‸ la piˇ peuˬ teh‸ kʼoˆ ve yoˬ.

Yawˇ awˬ gʼuˇ suhˍ leh awˬ hkʼaw‸ nawˉ kʼai ve chaw teˇ hpaˍ kuˬ leh kʼoˆ ve, Hoˍsaˍnaˍ, Jawˇmawˇ Gʼuiˬsha ve awˬ meh awˬ hawˉ lo laˬ ve chaw lehˬ, awˬ bon uiˍ piˇ-oˆ.

Laˬ chehˇ ve ngaˬ hui ve awˬ pa Daˍviˆ ve mvuhˇmiˬ lehˬ, awˬ bon uiˍ piˇ-oˆ. Mvuhˇ naw ma lo htawˇ Hoˍsaˍnaˍ hpeh‸ piˇ-oˆ teh‸, yawˇ hui kʼoˆ ve yoˬ.