Popular Bible Verses from Maˍkuˆ li‸ 10

Share

Awˬ lawn kʼo, chaw yaˇ ve Yaˇ hpu lehˬ, shu yawˇ awˬ pon kanˉ te tuˬ laˬ ve maˇ heˆ. Yawˇ shu awˬ pon kanˉ te tuˬ laˬ leh, chaw maˇ maˇ hta‸ htaiˍ hkʼaw‸ tuˬ, yawˇ ve a sha‸ piˇ tuˬ awˬ pon laˬ ve yoˬ teh‸ kʼoˆ ve yoˬ.

Yeˍsuˆ yawˇ hui hta‸ nyi leh, Chaw yaˇ lehˬ chi hta‸ te maˇ gʼa. Ya‸ hkʼaˇ, Gʼuiˬsha te maˇ gʼa ve maˇ heˆ. Awˬ lawn kʼo, Gʼuiˬsha lehˬ hkʼa peu-eˬ hta‸ te gʼa ve yoˬ teh‸, yawˇ hui hta‸ kʼoˆ piˇ ve yoˬ.

Yeˍsuˆ lehˬ, Kʼai loˬ. Nawˬ yonˍ ve teˇ ceuˬ lehˬ nawˬ hta‸ na-e la piˇ peuˬ teh‸, yawˇ hta‸ kʼoˆ piˇ ve yoˬ. Chaw oˇ ve teˇ cawˬ haˉ mehˆ mawˬ la leh Yeˍsuˆ awˬ hkʼaˇ suh kʼai ve yoˬ.

Hkʼe te leh, Gʼuiˬsha caˉ da‸ piˇ taˍ ve hta‸ chaw yaˇ maˇ gʼa yuˬ hpaˆ da‸ piˇ teh‸ kʼoˆ piˇ ve yoˬ.

Yeˍsuˆ yawˇ hta‸ nyi leh yawˇ hta‸ ha‸ leh, Nawˬ teˇ ceuˬ loˍ sheˍ ve yoˬ. Nawˬ kʼo‸-e leh hkʼa cawˬ ve mawˇ jeˬ hta‸ hawˇ baˬ leh haˍ yaˇ gʼawˇ yaˇ teˇ hpaˍ hta‸ pehˬ piˇ-oˆ. Mvuhˇ naw ma hkʼoˆ lo awˬ hpfuhˇ hkʼaˆ ve mawˇ nawˬ cawˬ taˍ tuˬ yoˬ. Peuˬ leh, nawˬ kʼaw‸ laˬ leh ngaˬ hkʼaˇ suh laˬ-o‸ teh‸ yawˇ hta‸ kʼoˆ piˇ ve yoˬ.

Oˇ htaˇ, Yeˍsuˆ yawˇ hta‸ kʼoˆ piˇ ve, Nawˬ awˬ pon ngaˬ hta‸ aˬ hto‸ ma te tcuh laˇ gaˇ ve le teh‸ na nyi htaˇ, Jawˇmawˇ-oˬ, ngaˬ mehˆ mawˬ la tuˬ nawˬ hta‸ te tcuh laˇ gaˇ ve yoˬ teh‸, yawˇ hta‸ kʼaw‸ kʼoˆ piˇ ve yoˬ.

Ya‸ hkʼaˇ, nawˬ hui awˬ hkʼaw lo chi hkʼe maˇ gʼa te. Nawˬ hui awˬ hkʼaw lo chaw uiˍ hpeh‸ gaˇ ve chaw hkʼaˬ ve teˇ gʼaˇ maˇ kʼoˆ, yawˇ nawˬ hui ve awˬ ceˬ gʼa te ve yoˬ.

Ngaˬ nawˬ hui hta‸ awˬ tehˬ awˬ na kʼoˆ laˇ ve, yaˇ ehˉ hkʼa shuˍ shuˍ Gʼuiˬsha ve mvuhˇmiˬ hta‸ maˇ ha‸ yuˬ ve chaw hkʼaˬ ve teˇ gʼaˇ maˇ kʼoˆ, Gʼuiˬsha ve mvuhˇmiˬ awˬ hkʼaw lo maˇ gʼa lo‸-e taˬ teh‸, yawˇ hui hta‸ kʼoˆ piˇ ve yoˬ.

Ya‸ hkʼaˇ, shu awˬ gʼuˇ suhˍ chehˇ ve chaw maˇ maˇ, shu awˬ hkʼaw‸ nawˉ gʼa kʼaw‸ chehˇ tuˬ yoˬ. Shu awˬ hkʼaw‸ nawˉ chehˇ ve chaw maˇ maˇ, shu awˬ gʼuˇ suhˍ gʼa kʼaw‸ chehˇ tuˬ yoˬ teh‸ kʼoˆ piˇ ve yoˬ.

Ya‸ hkʼaˇ, hkʼa peu-eˬ hta‸ awˬ hkuiˉ puiˍ te hpanˍ htaˇ ka‸, Gʼuiˬsha lehˬ hawˉ hkʼaˆ leh yaˇ miˇ hta‸ te hpanˍ taˍ ve yoˬ. Chi hta‸ pa taw hawˉ hkʼaˆ lehˬ, yawˇ ve awˬ pa awˬ e hta‸ hpaˆ da‸ taˉ leh, yawˇ huiˉ maˬ teˇ suhˍ teˇ shaˍ tiˉ hpeh‸ la tuˬ yoˬ. Chi hta‸ pa taw, yawˇ huiˉ maˬ nyiˇ gʼaˇ hpeh‸ ve maˇ heˆ, teˇ gʼaˇ tiˉ hpeh‸ la peuˬ.