Popular Bible Verses from Luˉka‸ li‸ 5

Share

Yawˇ maˍ piˇ ve hpehˇ peuˬ hkʼaw‸ nawˉ, Siˉmonˍ hta‸ kʼoˆ piˇ ve, Iˉ kaˆ naˉ kuiˬ lo jiˆ kʼai leh, ngaˇ gʼa tuˬ nawˬ hui ve geu‸ teˇ hpaˍ hta‸ hpehˇ-oˆ teh‸ kʼoˆ piˇ ve yoˬ.

Siˉmonˍ kʼaw‸ kʼoˆ ve, Jawˇmawˇ-oˬ, ngaˬ hui aˬ miˍ haˉ teˇ haˉ mvuhˇ hkʼa htiˇ gʼaˇ hte‸ te ve htawˇ, teˇ hkeh ka‸ maˇ gʼa. Ya‸ hkʼaˇ, nawˬ ve tawˇ hkawˇ hta‸ pa taw, geu‸ teˇ hpaˍ hta‸ ngaˬ hpehˇ tuˬ yoˬ teh‸ kʼoˆ piˇ ve yoˬ. Yawˇ hui oˇ hkʼe te ve teˇ yanˇ, ngaˇ geh maˇ jaˇ ve pa taw, yawˇ hui ve geu‸ teˇ hpaˍ tzuh‸ paˇ neˇ ve yoˬ.

Ya‸ hkʼaˇ Yeˍsuˆ lehˬ, yawˇ teˇ gʼaˇ tiˉ heh puiˉ hkʼaw lo kʼai leh bon ca lawˬ ve yoˬ.

Hteˇ ve cawˇ ve chaw hui hta‸ kuˬ yuˬ tuˬ ngaˬ laˬ ve maˇ heˆ. Venˇbaˆ yaˇ teˇ hpaˍ, a shu yawˇ ve venˇbaˆ hta‸ dawˇ hpfuhˆ tuˬ awˬ pon kuˬ yuˬ tuˬ ngaˬ laˬ ve yoˬ teh‸ kʼoˆ piˇ ve yoˬ.

Siˉmonˍ Peˍtruˆ oˇ ve hta‸ gʼa mawˬ ve teˇ yanˇ, Yeˍsuˆ hkui paˇ lo yawˇ boˆ sheˬ leh, Jawˇmawˇ-oˬ, ngaˬ geh lo tawˆ kʼai-o. Awˬ lawn kʼo, ngaˬ lehˬ venˇbaˆ uiˍ ve chaw hpeh‸ ve yoˬ teh‸ kʼoˆ piˇ ve yoˬ.

Yeˍsuˆ yawˇ hui hta‸ kʼaw‸ kʼoˆ piˇ ve, Chehˇ sha ve chaw hui naˆ tsuhˇ shehˍ hpaˇ hta‸ maˇ loˍ. Naˬ ve chaw hui ceh tiˉ loˍ ve yoˬ.

Yawˇ hui teˇ hpaˍ lehˬ, gʼuiˬ pfuhˍ paˇ lo haw lo‸ kʼoˍ teˇ hpaˍ hta‸ deh piˇ peuˬ hkʼaw‸ nawˉ, hkʼa peu-eˬ hta‸ baˬ taˉ leh Yeˍsuˆ awˬ hkʼaˇ suh kʼai ve yoˬ.

Teˇ pawˆ htaˇ, yawˇ venˇ teˇ venˇ awˬ hkʼaw lo chehˇ taˍ ve teˇ yanˇ, awˬ to teˇ to hkʼa peu-eˬ hkiˬ tu‸ keuˆ ve chaw teˇ gʼaˇ cawˬ ve yoˬ. Yawˇ Yeˍsuˆ hta‸ mawˬ ve teˇ yanˇ, mehˆ hpfuhˇ miˬ chaˇ hkʼoˆ boˆ sheˬ leh, Jawˇmawˇ-oˬ, nawˬ te gaˇ ve kʼo, ngaˬ hta‸ da‸ la kehˬ la tuˬ nawˬ te hpeh‸ ve yoˬ teh‸ kʼoˆ leh lawˬ hkawˉ ve yoˬ. Yeˍsuˆ la‸ sheh che leh yawˇ hta‸ htawˇ leh kʼoˆ ve, Ngaˬ te gaˇ ve yoˬ. Da‸ la kehˬ la-o teh‸ kʼoˆ piˇ ve yoˬ. Teˇ cawˬ haˉ yawˇ awˬ hkʼaw lo hkiˬ tu‸ a naˍ mehˉ kʼai ve yoˬ.

Ya‸ hkʼaˇ, yawˇ ve awˬ lawn leuˉ leh teˇ kaˬ le le lo bvuhˬ kʼai ve pa taw, chaw awˬ moˍ lonˉ teˇ hpaˍ lehˬ, yawˇ ve hkawˇ hta‸ na tuˬ maˇ kʼoˆ, yawˇ hui ve naˬ ve gawˬ ve teˇ hpaˍ hta‸ gu na-e laˇ tuˬ maˇ kʼoˆ, hpawnˬ la ve yoˬ.