Popular Bible Verses from Luˉka‸ li‸ 10

Share

Nawˬ hui lehˬ, vuiˬ leh aˉ ci ku taw‸ ma teˇ hpaˍ hta‸ naˆ tiˍ taˍ gʼa tuˬ leh, canˇ paˍ ve kanˇ paˆ hkʼa peu-eˬ hta‸ gʼaˇ tuˬ, ngaˬ nawˬ hui hta‸ kanˇ paˆ piˇ taˍ ve yoˬ. Aˬ hto‸ ma teˇ ceuˬ maˇ kʼoˆ, nawˬ hui hta‸ naˬ tuˬ te maˇ gʼa.

Jawˇmawˇ Yeˍsuˆ kʼaw‸ kʼoˆ ve, Maˍhtaˆ-oˬ, Maˍhtaˆ-oˬ, nawˬ lehˬ laiˉ ceuˬ hta‸ dawˇ haˍ dawˇ hkiˉ chehˇ ve yoˬ. Ya‸ hkʼaˇ, teˇ ceuˬ hta‸ ceh tiˉ loˍ ve yoˬ. Maˍriˆ lehˬ, da‸ ve oˇ ve teˇ ceuˬ hta‸ leuˆ yuˬ peuˬ. Oˇ ve teˇ ceuˬ yawˇ geh shu hiˉ yuˬ maˇ gʼa teh‸ yawˇ hta‸ kʼoˆ piˇ ve yoˬ.

Yawˇ kʼaw‸ kʼoˆ ve, Nawˬ ve nyi ma hkʼa peu-eˬ, nawˬ ve co ha hkʼa peu-eˬ, nawˬ ve awˬ gʼaˇ awˬ shaˉ hkʼa peu-eˬ leh nawˬ ve dawˇ hkʼaˇ hkʼa peu-eˬ nawˬ ve Jawˇmawˇ Gʼuiˬsha hta‸ gʼa ha‸ ve yoˬ. Nawˬ awˬ to hta‸ ha‸ ve hkʼe, nawˬ awˬ paˇ awˬ kui chehˇ ve chaw hta‸ gʼa ha‸ ve yoˬ teh‸ kʼoˆ piˇ ve yoˬ.

Yawˇ yawˇ hui hta‸ kʼoˆ piˇ ve, Caˬ gʼeu‸ tuˬ cawˬ maˇ jaˇ ve ka‸, caˬ gʼeu‸ shehˍ hpaˇ hui a ciˉ ceh tiˉ cawˬ ve yoˬ. Hkʼe te leh, yawˇ ve caˬ gʼeu‸ kuiˬ lo caˬ gʼeu‸ shehˍ hpaˇ peu laˇ tuˬ, Awˬ shehˍ hpaˇ geh bon lawˬ-o‸.

Hkʼe te leh, nawˬ hkʼaˬ hkʼe dawˇ ve le. Chaw chi shehˆ gʼaˇ awˬ hkʼaw lo, chaw hkʼawˇ hta‸ gʼa hpuˇ ve teˇ gʼaˇ hta‸ awˬ paˇ awˬ kui chehˇ ve chaw hpeh‸ ve hkʼaˬ ve teˇ gʼaˇ le teh‸, Yeˍsuˆ yawˇ hta‸ na nyi ve yoˬ. Yawˇ kʼaw‸ kʼoˆ ve, Yawˇ hta‸ ha kʼaˉ piˇ ve chaw teˇ gʼaˇ yoˬ teh‸, yaw hkʼaw‸ piˇ ve teˇ yanˇ, Nawˬ htawˇ kʼai leh oˇ hkʼe ca te-o teh‸, Yeˍsuˆ yawˇ hta‸ kʼaw‸ kʼoˆ piˇ ve yoˬ.

Nawˬ hui kʼai loˬ. Nawˬ hui yawˬ ehˉ hkʼe hpeh‸ leh, veˬ awˬ moˍ awˬ hkʼaw lo ngaˬ nawˬ hui hta‸ kʼai tcuh ve yoˬ.