Popular Bible Verses from Luˉka‸ li‸ 11

Share

Hkʼe te leh, nawˬ hui chaw haiˬ hpeh‸ ve ka‸, a shu yawˇ ve yaˇ teˇ hpaˍ hta‸ da‸ ve mawˇ piˇ hkawˇ shiˍ ve kʼo, chi a‸ kehˉ leuˉ leh mvuhˇ naw ma hkʼoˆ chehˇ ve nawˬ hui ve Awˬ pa geh hkʼa lawˬ ve chaw teˇ hpaˍ hta‸ da‸ ve kehˬ ve Awˬ ha hpu yawˇ piˇ tuˬ maˇ heˆ laˇ teh‸, yawˇ hui hta‸ kʼoˆ piˇ ve yoˬ.

Teˇ pawˆ ngaˬ nawˬ hui hta‸ kʼoˆ laˇ ve, lawˬ loˬ. Lawˬ kʼo gʼa tuˬ yoˬ. Ca loˬ. Ca kʼo mawˬ tuˬ yoˬ. Yehˬ miˉ hta‸ htawˆ loˬ. Htawˆ kʼo hpaw laˇ tuˬ yoˬ.

Awˬ lawn kʼo, lawˬ ve chaw teˇ gʼaˇ le le gʼa tuˬ yoˬ. Ca ve chaw htawˇ mawˬ tuˬ yoˬ. Yehˬ miˉ hta‸ htawˆ ve chaw awˬ pon htawˇ yehˬ miˉ hpaw laˇ tuˬ yoˬ.

Oˇ htaˇ yawˇ kʼoˆ ve, Nawˬ hui bon lawˬ ve teˇ yanˇ chi hkʼe kʼoˆ lawˬ-o‸. Awˬ pa-oˬ, nawˬ ve awˬ meh hta‸ yawˆ yan te piˇ lawˬ-o‸. Nawˬ ve mvuhˇmiˬ gaˬ la piˇ-oˆ.

Ngaˬ hui ve venˇbaˆ hta‸ hpehˇ hkʼa laˇ-oˆ. Awˬ lawn kʼo, ngaˬ hui hta‸ te ya‸ laˇ ve chaw hkʼa peu-eˬ ve venˇbaˆ hta‸ ngaˬ hui hpehˇ hkʼa ve yoˬ. Venˇbaˆ beˬ ve awˬ hkʼaˇ suh ngaˬ hui hta‸ taˇ kʼai tcuh laˇ teh‸, yawˇ hui hta‸ maˍ piˇ ve yoˬ.

Ngaˬ hui loˍ ve caˇ tuˬ dawˬ tuˬ teˇ hpaˍ teˇ nyi le le ngaˬ hui hta‸ pe‸ laˇ-oˆ.

Nawˬ ve mehˆ shiˍ lehˬ, awˬ to ve kawˆ faiˇ yoˬ. Nawˬ ve mehˆ shiˍ da‸ ve kʼo, nawˬ ve awˬ to hkʼa peu-eˬ awˬ gʼeuˆ hkʼa biˇ cawˬ tuˬ yoˬ. Nawˬ ve mehˆ shiˍ maˇ da‸ ve kʼo, nawˬ ve awˬ to hkʼa peu-eˬ naˆ ho‸ ve hkʼa biˇ cawˬ tuˬ yoˬ.

Kawˆ faiˇ tuˉ leh baˬ kuiˬ lo taˍ ve maˇ kʼoˆ, hkʼawˍ lawˇ tcuhˍ mvuh‸ taˍ ve maˇ kʼoˆ, chaw teˇ gʼaˇ ka‸ maˇ te jaw. Ya‸ hkʼaˇ, lo‸ la ve chaw hui awˬ gʼeuˆ hta‸ gʼa mawˬ tuˬ, kawˆ faiˇ taˍ kuiˬ lo taˍ ve yoˬ.