Popular Bible Verses from Jon, echî 16

Share

Ń səra ên áno achot mmá chénchén bəre ó chə̂m ên ə̂m ó fôn ên enare. O kí fon ên oseŋe ka ngun kən fon ên ḿbə́ŋé, ka mme ń ko érûm ka ngun nnyí.”

Kən ebhú Ntʉgantʉ nnyó á bha, a kí toŋe ên nne nnyo Obhasi a ri. Tîk a yîm ên o mə́ŋe ên mfoné nchot Obhasi chénchén. Ntʉgantʉ nnyó á bhó səre achot mma á dʉ̂ yê ka ḿbə́ŋé, a kí chot a ri mma a yúghi. Tîk a sə́re ên achot mma á kə́ bha mbá-ochî.

Ta é si égyé ó ka nok obhə́p ên Ńsé omé a karé ên ejûm ka mbiŋ amé. Bhə̂p ên mân, tîk o fôn ên, ogyebhá-ḿbə́ŋé obhə́né ó súi ó fûk.”

Kən ḿ bó səre ên áfúbhí. Ń jak áno ka onono obhə́né. Ka nan? Ń do ji, Nkagha-ên-obhô nnyó á bhó bha. Ń ji, tîk n tûm yê a bhák mbâ eyəné. Ebhú á bha, tîk a tóŋe ngun jáé se á gbo ka íkíkéré ábho é kpê na obhí, na ekpin nji é rî ka nnyen-i-mbá na fə́ne ekpak Obhasi a kí taŋ ngun.

Nâ noŋ é rî fə́ne na ên. Mfá-mfá nsae a súi ên ḿbə́ŋé, kən ebhú ḿ kpo yen ên, tîk o fôn ên ekpatə́m ogyebhá-ḿbə́ŋé. Ntʉ́ghi ogyebhá-ḿbə́ŋé mbi nne kpe yót á ka bhik okpó tabhé mbâ eyəné. “Ofú ábhi ó si, mme asík o kí kpo bhəp ên sê ń káre ên kpe ejûm. Deê ń sə́ré ên ka etʉri bəre kpe jen nji o bhə́bhe ên Ńsé omé ka mbiŋ amé, a kí karé ên ńjə́ne.

Deê ń sə́ré ên ka etʉri mân bəre tîk o rʉ́ri ên obhə́bhe ó sek, kən ngun tîk á gyebhá ḿbə́ŋé. Ên tîk nsae a súi ên ka ḿbə́ŋé kən nsae eyəné nnyí tîk a chə́bhe ogyebhá-ḿbə́ŋé.