Popular Bible Verses from Jon, echî 15

Share

“Mme nâ n di esə́n-étí, ên arâp. Kpe énê nnyo a kə́re na mme, mme eróŋ n kí kət na yê. A kí kap jok-jok. Ó ro kət ên na mme, kpe ejûm jə́t ó bhó bhik ên eyimím.

Nâ yâk ên mân na mme, mme fə́ne tîk n yâk na ên. Ekpak nji ndâp á bhó joé ka biji ibhê ta a bhá chiŋ a kap, a ri a yák na esə́n-étí, ên eróŋ ó bhó bhik ên ekabhám ta o yâk ên na mme.

“Kən ên, ájoé ó kət ên na mme, eyum ejámé eróŋ é kət na ên, o kí bhəp ên kpe bhaghé ejûm nji o korê ên, o ri ó fôn ńjə́ne.

Ên asík o sáŋe ə̂m, mme nâ n sáŋe ên n tûm bəre ó jí yîm ên etûm ejámé. Etûm nji o kí yim ên, é bhó bhip ka ótúm-ótúm. Ka ekpak njí, Ńsé omé tîk a káre ên kpe bhaghé ejûm nji o bhə́bhe ên yê ka mbiŋ amé.

Mfoné-mfoné okot mbi nne kə́n a kôt ntem, a ri ekpóóm ekʉ̂ ka echî ntem.

Kpe nnyə́n ndâp nnyi á bhó kap, Ńsé omé a kí gbut a yíghi. A tʉ́ri ndâp nnyi á kabhá okap se a kap a kpe okpe.

Ebhín ejámé é rî sê, ‘Deê ó kôt ên atem noŋ mme n korê ên.’

Ájoé o kí fon ekpin nji Obhasi a korê, tîk ejík é jóe mbâ Ńsé omé. Ka ekpak njí, o kí joé ên ane mba á kí top ə̂m.

Jisos se, “Mme nâ n di mfoné-mfoné esə́n-étí, Ńsé omé ntʉrá-tʉ́rá.

Kpe énê nnyo á ka kə́t na mme, a ri noŋ ndâp-étí nnyi á gbut á yighi. A kí kpo. Arâp chénchén mma á gbut nná, á kí chəmé á tûp ka ngun, á ríghi.

“Ń səra ên áno achot mmá bəre ogyebhá-ḿbə́ŋé obhámé ó jóe na ên, ó yîm obhə́né ó tí ó kpê.

Ó ki ên ebhín ejámé, okot obhámé ó kí kət na ên. Nâ noŋ mme n kíi áno ebhín í Ńsé omé, kən ń kət áno na okot obhê.

Ńgyê mân ebhín ejámé, ‘Kot ên atem.’ ”

Sê o ri ên noŋ ábho eê, kə́n á kôt ên fə́ne noŋ ane ábho. Kən ên ane ábho asík. Esáŋám nji n sáŋe ên, é yighi ên ka ekam ábho. Nâ ńjə́ne á bháne ên.