Popular Bible Verses from Jon, echî 14

Share

Ḿ maghe ên enare, a ri enare ejámé nâ m maghê ên áno. Ń kare ên enare ejámé nji ngun á ká bhik ekarám. Deê efup é kâ yîm nne, ka fon ên nsae ka ḿbə́ŋé.

Jisos se, “Mme nâ n di mbá. Mme a ri mfoné nchot Obhasi. Mme a ri ekpin. Nne kpe yót nnyo a kí si mbâ Ńsé nji á ka chíŋ mbâ amé cháŋ.

Jisos a sə́re ágbán abhê se, “Ka fôn ên nsae ka ḿbə́ŋé. Kî ên ḿbə́ŋé na Obhasi, o kî ên na mme eróŋ.

Nkagha-ên-obhô, Obhasi Ebhare Ntʉgantʉ nnyo Ńsé tîk a tûm ka mbiŋ amé, tîk a kpî ên achot chénchén. A kí yim ên fə́ne o tirá chénchén achot mma n sə́re ên.

“Kpe énê nnyo á kí yuk nji n chorê, a yîm fə́ne ka ekpak a yúghi, nâ a kôt ə̂m. Kpe énê nnyo á kot ə̂m, Ńsé omé tîk a kôt yê. Mme eróŋ n kí kot ntʉ́ghi nne nnyó, n tóŋe ekpin ejámé mbâ eye.”

Tîk m bə̂p Ńsé omé a tûm ên nkagha-ên-obhô nnyo a kí toŋe ên mfoné nchot Obhasi jáé. Nne nnyó a kí joé na ên ka ótúm-ótúm. Yê nâ a ri Ntʉgantʉ nnyo a kí toŋe mfoné nchot Obhasi jáé. Ngun á ká bhik ekóóm Obhasi Ebhare Ntʉgantʉ nnyó, a kak ábho obhô. Echî aŋ? Á bhó yen yê, á ká məŋé fə́ne yê. Kən ên ó məŋe ên yê, ka a ri na ên, a kí kət na ên.

Ebhú ń ji, ejûm-ejûm nji ó kí bhəp ên ka mbiŋ amé, n kí yim o fôn ên ńjə́ne, ejík é jóe é káre Ńsé ka obhô Mmon owe. Kpe énê nnyo á ko mbiŋ amé a bhə̂p ə̂m ejûm kpe njə́n, n kí yim ńjə́ne.”

Jisos a kpô chot na ágbán abhê se, “Nne nnyo á kot ə̂m a kí yim ekpak nji n wóme.

Abhon-ojû á ti otí ka njû Ńsé omé, tîk n tʉ́ri ên eji ágo. É rô joé se asík eê, kə́n ḿ bó səre ên.

Ń ji, ń jí tʉ́ri eji ń kí ên. Tîk n chə́bhe njəm m bâ kô ên o jóe ên na mme, ka eji n di.

Kən Tomas a bhə̂p yê se, “Ntûfâm, eji ó jak é ka məŋé, e kí yim nan é mə́ŋe mbá?”