Popular Bible Verses from Jon, echî 17

Share

Deê ó kó mfoné nchot ó tʉ̂ ábho á gyé wâ ka biji. Nchot eya nâ a ri mfoné nchot.

Ekpin ótúm-ótúm nji é rî sê ngun á mə́ŋe wâ noŋ mfoné-mfoné Obhasi, á mə́ŋe ə̂m fə́ne, Jisos Krayis, nnyo we o túmi.

Jisos a góre Obhasi se, “Ane mbá ḿbáne-mbanê asík nâ ń gorá wâ, n kí goré fə́ne mbâ mba tîk á kî ḿbə́ŋé na mme ebhú á yuk otîp ane mbá. N kí goré bəre deê ábho chénchén á jóe nne yót. Ńsé, ekpak nji mme n di na we, we fə́ne o rî na mme, deê ábho chénchén á chə̂m na êt é chə́bhe nne yót. Tîk ngun á kâm sê we nâ o túmi ə̂m.

Ń ka goré wâ bəre ó yíghi ábho ka ngun nnyí kən ń gorá bəre o kâ kâm Ntûfâm Obhí a yim ábho ejûm.

Ń kare ábho ekpatə́m ejík nji o karê ə̂m bəre á jóe nne yót ekpak êt e ri. N kí chəm biji na ábho é jóe nne yót noŋ we o ri na mme. Ka ekpak njí, chénchén ábho tîk á chə́bhe nne yót, achât á bhó joé. Ngun tîk á mə́ŋe mân sê we nâ o túmi ə̂m. Á mə́ŋe fə́ne sê ó kot ábho noŋ o korê ə̂m.