Popular Bible Verses from Mairk 13

Share

Ye'll be haitit bi aa fowk on accoont o me, but tha yin that tholes tae tha enn wull be saved.

Tak heed, keep a luk-oot, [an pray], fer ye dïnnae ken whan that time wull be.

Noo whaniver yis ir lïftit, an brocht tae thrial, dïnnae be ower enxious aboot whut yis ir gaun tae say, but whan tha time cums jist say whutiver God tells yis tae. Fer then ït'll no be yous that'll be taakin, but ït'll be tha Halie Spïrit.

Heiven an irth wull pass awa, but ma wurds wull niver pass awa.

Naebodie kens tha day or oor whan aa thïs wull happen, nether tha angels ïn heiven, ner tha Sinn hissel. Tha Faither alane kens.

Whan ye hear tell o wars an o taak aboot wars, dïnnae be püt aboot. Fer sitch thïngs maun happen, but tha enn ïs no near jist yit.

Sae yous be on tha luk-oot tae, fer ye dïnnae ken whan tha Laird wull be bak - whuther at tha gloamin, or at mïdnicht, or ïn tha wee smaa oors, or at tha scraich o day, less cumin on ye o a suddent he'll fin ye sleepin. Whut A say tae ye, A say tae yin an aa: ‘Be on tha luk-oot!’ ”

Nations wull mak war on ither nations, an kïngdoms wull rise up agin ither kïngdoms; thair wull be irthquakes ïn monie pairts, an thair wull be dirths ower tha lan tae. But aa thïs ïs onlie tha stairt o tha bairin pains cumin on.

But afore thïs, tha Guid News maun be praicht tae aa tha nations.

Fer monies a yin wull cum ïn ma name, sayin, ‘A be tha Christ’, an the'll lead monie fowk aglee.

Ye maun tak heed. The' wull han yis ower tae tha cooncils, an gie yis a whuppin ïn tha Meetin Hooses. On ma accoont ye wull be stud afore guviners an kïngs, as a wutness tae thaim.

Fer fauss messiahs an fauss proaphits wull rise up an dae signs an wunnèrs, an fowk wull be tuk ïn bi thaim, ay, an e'en tha chosen yins micht be tuk ïn tae.

But ïn thaim days, eftèr tha time o sufferin, ‘tha sin wull be mirkit, an tha muin wull no gie onie licht; tha starns wull be faain oot o heiven, an tha pooers o tha lïft wull be dinnelt.’