Popular Bible Verses from Mairk 12

Share

An Jesus answert bak, “Tha maist impoartin ïs thïs: ‘An tak heed, O Israel, tha Loard oor God ïs tha yin an onlie God, an ye maun love tha Loard yer God wi aa yer hairt an yer sowl, an aa yer mine, micht an main!’ [Thïs ïs tha furst commaun.] An tha saicont yin ïs thïs: ‘Ye maun love yer nighber jist as much as yersel.’ Nae ither commaun ïs abain these twa.”

Jesus caad hïs follaers ower tae hïm an saed, “A'm tellin yis tha truith, thïs puir weeda haes gien mair ner onie o tha ithers that gien offerins. Fer the' hae aa gien onlie a pïttance oot o thair pruch, but thïs weeda, puir an aa that she ïs, haes gien aa she haed tae leeve on!”

An Jesus sut doon fornent tha kïst ïn tha Hoose o God, whar he cud hae sicht o tha fowk pittin thair money ïntil ït. An tha weel-aff yins gien weel, nae doot aboot ït! Then alang cum a weeda wumman, an she drapt ïn twa wee coins, amuntin tae verie lïttle.

An tae love God wi aa yer hairt an mine, micht an main, an yer nighber as yersel, ïs mair impoartin than aa tha brunt offerins an secryfices ye cud mak!”

An Jesus saed, “Gie Caesar whut belangs tae Caesar, an gie God whut belangs tae God.” An the' wur dumfoonèrt wi hïs answer.