Popular Bible Verses from MATTHIEU 5

Share

Wi e wee tɛ lamba mɛ ba e ɗɔɔ mɔ na; wi e wee tɛ lamba mɛ ba e zu paku, ha̧ a̧ mɛ duk hi̧i̧ nyɛk nɛnɛ ti o bíí lɛŋ nɛ̀ a̧a̧ kɔ̧ tua ɛ̧. Nɛ́ hegɔ ɛ̀nɛ̀ tɛ e ha̧ sa̧a̧mɔ k’ɛ́nɛ́ mɛ nyɛk ti o bíí ha̧ wa mɛ zɔk de deemɔ k’ɛ́nɛ́, ɓɛɛ ha̧ wa mɛ gasi Dáà k’ɛ́nɛ́ nɛ̀ a̧a̧ yiwese.»

«Ɛ́nɛ́ nɛ́ sa̧a̧mɔ zaŋnu’ɛ. Gasa ye nɛ̀ duk zu kaya hu̧si tɛ na.

O wi-sa̧a̧-see à̧ yá nɛ̀ desee, wen wa tɛ zɔk Sɔ̧!

O wi nɛ̀ wɔ-deemɔ nɛ̀ yuwar-a gbɛ wa à̧ yá nɛ̀ desee, wen Sɔ̧ tɛ ha̧ ha̧ wa!

Ɓɛɛ kɔ‘m, mi tɔ̧ h’ɛ́nɛ́, ɛ̀nɛ̀ kɔ̧́ o wí nɛ̀ sɛn'nɛ́, ɛ̀nɛ̀ kɔ́fí Sɔ̧ wen o bíí nɛ̀ usi bɔnɛ h’ɛ́nɛ́

«O wi nɛ̀ iŋa'e wi nɛ́ wisan ti Sɔ̧ à̧ yá nɛ̀ desee, wen Wan mɛ yiwese nɛ́ kɔ-wa!

O wi-am-mɔ à̧ yá nɛ̀ desee, wen Sɔ̧ tɛ sa wa nɛ́ o bem kɔ‘i!

O wi-hi̧i̧-kɔ̧a̧ à̧ yá nɛ̀ desee, wen Sɔ̧ tɛ ga̧ see-wa!

O wi nɛ̀ zɔk bɔnɛ wen zu deemɔ nɛ̀ yuwar-a à̧ yá nɛ̀ desee, wen Wan mɛ yiwese nɛ́ kɔ-wa!

O wi-de-ko à̧ yá nɛ̀ desee, wen Sɔ̧ tɛ de ko ha̧ wa!

«Kà o bíí nɛ́ da̧a̧‘nɛ́, kà wa nɛ́ usa bɔnɛ h’ɛ́nɛ́, in kà wa nɛ́ ɓira wen e nú‘nɛ́ wen zu'm, ɛ̀nɛ̀ yá nɛ̀ desee. Ɛ̀nɛ̀ yá nɛ̀ desee, ɛ̀nɛ̀ dé nyɛŋɛ wen mɔɔ-oi-tom k’ɛ́nɛ́ nɛ̀ pɛm'nɛ́ yiwese mɛ ɔ gasa. Nɛ́ hegɔ a̧ wa usa so nɛ̀ bɔnɛ ha̧ o wi-tɔ̧-wen oi nú Sɔ̧ nɛ̀ duka so zaŋnu nɛti h’ɛ́nɛ́.»

O ga̧a̧-wi à̧ yá nɛ̀ desee, wen Sɔ̧ tɛ ha̧ nù ha̧ wa nɛ̀ mɔɔ-oi!

«Ɛ́nɛ́ nɛ́ tɔŋ zu nù'ɛ. Kà kpɔra-tɔŋ nɛ́ gboo kaɗi, wi tɛ de héé ge ha̧ a̧ mɛ kpɔr nɛnɛ woyo ge nde? I̧i̧ tɔŋ‘i beka de tom ɓɔna. Kànà nɛ́ gbaia-a a taŋ ha̧ bíí mɛ i̧si̧ ɓɛɛ.

Ɓɛɛ war k’ɛ́nɛ́, ɛ̀nɛ̀ dé nɛ́ demɔ ɓɔnsɛnɛ hee Dáà k’ɛ́nɛ́ nɛ̀ a̧a̧ yiwese ga.»

‹Íì› k’ɛ́nɛ́ a̧ ɓɔ́n kànà nɛ́ ‹íí› ɓɛɛ ‹weyaa› k’ɛ́nɛ́ a̧ ɓɔ́n kànà nɛ́ ‹weyaa›, wen mɔ nɛ̀‘i tɔ̧ gan zu ‹íì› in ‹weyaa› tɛ́ nɛ̀ tɛ́ Wan-ɗaŋmɔ.»

«Ɛ́nɛ́ iŋa wa bàá tɔ̧̀ so'e: ‹Kà ŋma bíí nɛ́ oo yí-mɛ́, ɓɛɛ mɛ̀ ó yí-wi’ɛi mbɛt; kà ŋma bíí nɛ́ gbina gba̧a̧-nin-mɛ, ɓɛɛ mɛ̀ gbín gba̧a̧-nin-a̧ mbɛt.› Ɓɛɛ kɔ‘m, mi tɔ̧ h’ɛ́nɛ́, k’ɛ́nɛ́ kifi er ha̧ o wi nɛ̀ de ɗaŋmɔ in'nɛ̀ɛ́ na. Kà ŋma bíí nɛ́ mbɛra ká̧ yí-mɛ́ mɛ wiiko, mɛ̀ zík ɓii-aa ha̧ a̧ mbɛt.

Kà yí-mɛ́ mɛ wiiko nɛ́ ɔra mɛ mɛ de ɗaŋmɔ, nɛ̀ mɛ sɔ́tí a̧ yinɛ pí̧ taŋ nyɛi̧ nɛ̀ mɛ, wen gana so ha̧ ŋma mɔɔ-tɛ-mɛ kpɔk mɛ ɗaŋ gan pi̧i̧ mɛ kɔ̧ wee Gehɛn nɛ̀ oi kiitɛ-mɛ lɛŋ. Kà er-mɛ mɛ wiiko nɛ́ ɔra mɛ mɛ de ɗaŋmɔ, ɓɛɛ mɛ̀ ɓír a̧ yinɛ pí̧ taŋ nyɛi̧ nɛ̀ mɛ, wen gana so ha̧ ŋma dokoɗo-tɛ-mɛ kpɔk mɛ tik nù gan yea-a kɔ̧́ wee Gehɛn nɛ̀ oi kiitɛ-mɛ lɛŋ.»