Popular Bible Verses from Luc 7

Share

Kayam ndata, an nga ni dangû, an vat wa hurun ndei yam tcho mat ta ablaud’a, kayam o mat ta ngola, wani sama an vat nga hurun ndei kam akid’eid’ina, o mamba nakid’eid’a mi. Jesus mi de matcha ndata ala: An vat wa hurun ndei yam tcho maka.

Wani Jesus mi de matcha ndata ala: He gagazi maka sud’uk wa; ndak i lafiya.

Ti tchol bugol Jesus go kasemu, nga d’i tchiya, simi ma iratna nga mi labam asemu, nga d’i sad’am mbei ki tumus sa kata. Ti vum asemu, ti sad’amzi ki mbul ma his ma afufuîna.

Kayam ndata, an djib’era an ndak á iza geveng nguo mi. Wani ang de ni zlad’a tu go, azong mana mba mi tchol akulo. Kayam an nga nad’u vun ma hed’a hi sa mi, an nga ki azigarâ abonu. An le ni de mi ma tuna ala: Ang iya ni, mi iya; an le ni de mi ma dingâ ala: Ang mbeya ni, mi mba mi; an le ni de mazong mana ala: Ang le hina ni, mi le mi. Ata yima Jesus mi hum zla ndatina, mi le atchap kamu, mi pret tamu, mi de mablau suma a nga tit ad’uma ala: An nga ni dagiya, aduk Israel-lâ pî, an fe nga he gagazi d’a ngol la hina d’a d’i.

Ata yi máma, Jesus mi sut suma tugud’eid’a ablaud’a ki suma homozed’a ki suma a nga ki muzuk ma tchona kuruzina, mi mal ir suma duka woi ablaud’a mi. Jesus mi hulong dazi ala: Agi i dagi mi Jean vama agi wagizina ki vama agi humugizina mi. Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma houd’a mi.