Popular Bible Verses from Luc 8

Share

Wani andjaf ma mi nde kur andaga d’a djivid’ina ni suma a hum zlad’a, a vat ki hur ma djivinina, a kak suma d’engzengâ, a vut mi.

Andjaf ma mi nde aduk aweid’ina ni suma a hum zlad’a wani ata yima azi ina, djib’era hi duniyad’id’a ki beged’a ki d’od’oka hi duniyad’id’a a hebezi ped’et, a le nga irâ tetet ti.

Andjaf ma mi nde ata yima alakina ni suma a hum zlad’a, azi vat ki furîd’a, wani sidiyezi mi i nga kä ngol luo na. Azi he gagazid’a, a le burâ tcha. Ata yima kuka mbana, azi ar zlad’a hAlonid’a woyo.

Mi dazi ala: He gagazi magid’a ni lara ge? A le mandarâ, zlad’a vid’iziya. A nde de tazi ala: Sa máma ni nge ba, mi he vuna mi simetna ki mbiyo apod’a, a ge yazi kä ad’um na ge?

Andjaf ma mi nde kur lovotina ni suma a hum zlad’a ata yima a humutna. Wani Diable mi mba, mi yo zla d’a kuruzid’a woyo, mi d’elezi tala á he gagazid’a á fe suta d’a.

Kayam vama nga ngeid’a ma a mba ndum mbei pid’ak kuo na nga d’i, vama gumun ma a mba ndum mbei pid’ak kuo na nga d’uo mi.

Ata yima atcha ndata ti we ti ndak á ngei tat tuo na, ti mba ki zlaka, ti ge tat kä avok Jesus, ti de woi avok suma pet yam vama ndat do Jesus kama, yam buzu mat ma mi ka atogo za’â mi. Jesus mi dat ala: Goronda, he gagazi maka sud’uk wa da’; ndak i lafiya.

Azi mba, a zlid’im a dum ala: Ma hat suma, Ma hat suma, ami nga bami woyo. Jesus mi zlit akulo, mi ngop babarâ kabil ma nga lena. Babarâ kabilâ a sengâ, yina tchol b’et.