Popular Bible Verses from Proverbios 22

Share

Kaxtnu'u ni nuu sa'ya ni a ichi va'a káxtnu'u maa Su'si ma, sukan‑va'a kivi kuu nija'nu i ma te masu xndoo i ichi Su'si ma.

Ñayii kaa vii kaa kuee ini ma te ñatuu kúvixi i ja maa i kúu‑ka vaa yu'u i Su'si ma vaa jini i ja iya ndákan kuenda kúu ya ma, ja ndani'i ndatna'a i kúu ja ko ni'i ko tna'a i ja koneva'a i, te koo jayiñu'u i, te koteku i ni‑kani ni‑jika

Ja va'a‑ka kuu ja jin ka'an vii jin ka'an va'a ñayii ma ja kuu o kuechi ja sa'a o ja va'a ja ndaa ma sana ja koneva'a kua'a o xu'un te ni‑in ñayii ma masu jin kunimani nuu o.

Máko ketna'a ini ni ji'in ñayii yachi xeen ndákiti ini i ma

Ñayii va'a ini ma te kúnda'vi ini i ñayii nda'vi ma te wa'a i ja kaa ñayii nda'vi ma chi skuta'vi ya i ja va'a te ko ni'i ko tna'a i.

Ñayii ndichi ma chi nú jini i ja iyo yika i ma chi su'va jikayata i, kovaa ñayii ñatuu jáku'ni ini ma chi yituu yine'e i te onde ni'i maa i ja u'vi sa'a ja ndo'o neni i ma.

Ñayii ka kuxiku ma chi ka tatnuni maa i nuu ñayii nda'vi ma, te ñayii ka wanuu xu'un ma chi suni ka tatnuni maa i nde a ka kuni i ja jin sa'a ñayii ni ka jikan‑nuu xu'un nuu i ma.

Ñayii xiku ma ji'in ñayii kúnda'vi ma, inuu‑ni ka kuu i, vaa nduu i ma chi maa Su'si ma ni sa'a ña'a.

Má sakui'na ni ñayii nda'vi ma te ni máko ka'an ndeva'a ni nuu ñayii ndó'o néni ma, vaa Iya Tátnuni ma chi kúnda'vi ini ya ñayii nda'vi ma te iyo ya ji'in i te chindee ya i te kaku i, te ñayii sakui'na nuu ñayii nda'vi ma chi maa Su'si ma xnaa ndaka ja neva'a i ma.