Popular Bible Verses from Proverbios 21

Share

Kovaa ñayii ndúku ja koo va'a koo ndaa i nuu Su'si ma te iyo tnu'u nda'vi ini i ma, chi skuta'vi ña'a Su'si ma ja vii ja va'a ma, te koo jayiñu'u i, te koteku kani i.

Ñayii jakin tna'a vivii nawa jani ini i ja sa'a i ma chi kee va'a ja jani ini i ja sa'a i ma, kovaa ñayii ñatuu ndása'a kuenda i ma chi jani yachi‑ni ini i te sa'a i nde a kúni i ma, kovaa ja sukan kúu i ma chi ndunda'vi ndukee i.

Ñayii jito va'a i yu'u i ma yaa i ma ja ñatuu nde ká'an i tnu'u masu nde kuatniñu ma chi iyo sii ini i, vaa masu na nde kívi nduu kívi ni'ni i nuu tnundo'o ma.

Ndaka ja jani ini ñayii ma te sa'a i ma, kua'a ja va'a kúu jani ini maa i, kovaa maa Su'si ma kúu iya ndáka'an nú ja va'a kúu xi ja u'vi kúu ja ñu'u ini i ja sa'a i ma.

vaa onde caballu ma chi visi iyo tu'va tna ti ja koso ña'a tee ki'in ja kanaa de ma, kovaa maa Su'si ma kúu iya chindee ña'a sana kuu kundee de ma. Visi kiti ndee kúu ti, kovaa masu nawa kuu sa'a maa ti.

Ja sa'a o ja va'a ma te ku'un kaji ku'un va'a ini o ja kandija o ya ma kúu ja játna ini Su'si ma, sana ja ndakua'a o in kiti ka'mi o nuu ya.

Tnu'u ndichi jani ini ñayii ma ja neva'a i ma xi ja jani ini i ja maa i kúu‑ka ma chi ni masu kundee i nuu Su'si ma

Ñayii ñatuu nde ndí ini ja chindee i ñayii nda'vi ma ora jikan‑ta'vi ñayii yukan ja na chindee ña'a i ma chi kenda ja jiniñu'u tna i na in chindee ña'a, te masu na in kenda ja chindee ña'a i.