Popular Bible Verses from Proverbios 12

Share

Tnu'u ndí ini xeen ma chi sa'a i ja kúxii ini ñayii ma te ñatuu‑ka na tnu'u ndee tnu'u ndatnu i iyo, kovaa nuna kenda in ñayii ká'an vii ká'an va'a ma chi sani te sa'a i ja ndúsii ini ñayii ma.

Ñayii jan‑ta'vi ja ka ndaka'an so'o ñayii ma naxe ko sa'a ko kuu i ma chi ñayii ndichi kúu i, kovaa ñayii saxiko ja ka ndaka'an so'o ñayii ma nuu i ma chi in ñayii so'o kúu i te ñatuu ndása'a i kuenda i ma.

Ka iyo ñayii ma chi tnu'u ka ka'an i ma‑ni, te ka sa'a i ja tna‑u'vi ini o vi'i‑ka sana ni xtnakue'e ña'a i, kovaa ñayii inundichi ma chi vivii ka ka'an i te ka ndataa i tnu'u kanu ini kuenda tnu'u ja in jatatna ni ji'i o te ni nduva'a o.

Ñayii so'o xeen kaa ma chi ndaka ja sa'a i ma chi jani ini i ja ja va'a kúu, kovaa ñayii ndichi ma chi ndimaa kándija i ja ka ka'an so'o ñayii ma nuu i ma.

Ñayii so'o ma chi yachi‑ni káxtnu'u i ja ndákiti ini i, kovaa ñayii ndichi ma chi masu sánuu i nawa ka ka'an ndeva'a ñayii ma nuu i ma.

Te ña'a ñu'u kaji ñu'u va'a ini ma chi ja sa'a ja kúu ña ma te ní'i yii ña ma jayiñu'u, kovaa ña'a ñatuu ñu'u kaji ñu'u va'a ini ma chi sukan kúu kue'e kívi onde yiki ñayii ma sukan kúu ña nuu yii ña ma.

Su'si Iya Tátnuni ma chi saxiko ya ñayii tnu'u ma, kovaa játna ini ya sukan ka sa'a ka kuu ñayii ka sa'a ja va'a ja ndaa ma.

Ñayii sa'a ja va'a ja ndaa ma chi kuu skaka i in‑ka ñayii ma ichi va'a ma, kovaa ñayii sa'a ja u'vi ma chi kuan koo i ichi jin skenaa i maa i ma.

Ñayii ká'an ndaa ká'an ndija ma chi ni‑kani ni‑jika koo i, kovaa ñayii ká'an tnu'u ma chi nunuu‑ni koo i te naa i.