Popular Bible Verses from Proverbios 13

Share

Ñayii ndikin tna'a ji'in ñayii ndichi ma chi ñayii ndichi ko kuu tna i, kovaa ñayii ndikin tna'a ji'in ñayii inuso'o xeen ka ndaa ma chi ko kuu tna i sukan te skenaa tna i maa i.

Ñayii ndása'a kuenda te ñatuu ká'an yachi i ma chi ja jito va'a i maa i kúu, kovaa ñayii ñatuu nde ndása'a i kuenda ma te ká'an yachi i ma chi maa i‑ni sa'a ja jákun‑nee i nuu tnundo'o ma.

Ñayii nde'ya ja u'vi sa'a sa'ya i ma te ñatuu na tnu'u xeen kéne'e i nuu suchi ma, sukan‑va'a ndasa'a i kuenda te ma ko sa'a‑ka i ja u'vi ni sa'a i ma chi ñatuu kútoo i sa'ya i ma, kovaa ñayii kútoo sa'ya i ma chi onde luluu suchi ma te jâ iyo tnu'u xeen nuu i ma.

In ja ndetu ñayii ma ja ni'i i ma te kuee kénda ma, te chukan chi sa'a i ja kúxii ini i, kovaa ora kénda ja ndetu o ma chi sukan kúu in yutnu téku ja kuikuii iyo tnu ma sukan kúsii ini o.

Ñayii jika ndaa nuu Su'si ma chi ja va'a ja ndaa sa'a i ma jito va'a ña'a, kovaa ñayii sa'a ja u'vi ma chi maa ja u'vi sa'a i ma xnaa ña'a.

Ñayii xnda'vi in‑ka ñayii ma te kúxiku i ma chi masu kunitnuni i te ndi'i xu'un i ma, kovaa ñayii satniñu ji'in nda'a i te kúu tava'a i xu'un i ma chi ndi‑vala ndi‑vala te kukua'a‑ka.

Ñayii jani ini ja maa i kúu‑ka ma chi yika‑ni ja ndúku i kúu ja kanaa i ji'in in‑ka ñayii ma, kovaa ñayii jan‑ta'vi ja ka ndaka'an so'o i nuu i ma chi in ñayii ndichi kúu i.

Ñayii sa'a ja va'a ja ndaa ma chi ndaka ja neva'a i ma ndaskuta'vi i sañani i ma, kovaa ja ni xtutu ñayii sa'a ja u'vi ma chi ñayii ka sa'a ja va'a ja ndaa ma jin ndunda'a.

Suchi ndichi ma chi jan‑ta'vi i ja ndáka'an so'o yuva i ma nuu i, kovaa suchi so'o xeen kaa ma chi masu nde kándija i ja ndáka'an so'o yuva i ma nuu i.

Ñayii saxiko ja ka ndaka'an so'o ñayii ma nuu i ma chi ko kunda'vi ko kukee i te ndatna'a i ja kan‑nuu, kovaa ñayii jan‑ta'vi ja ka ndaka'an so'o i nuu i ma chi ndani'i i jayiñu'u.