Popular Bible Verses from Efz 4

Share

Nclɔɔ nclɔɔ 'la gbɩ nama ɔ 'yʋ 'la gbazɔ, a kalɩ ŋaazɩpɔlɛ. A vavalɩ le saa Laagɔ ya 'lɛ anyɩ va, Klisi nɩkplaan na.

‑Ncɩdʋdʋkʋlalɩɛ, ‑pɔnpɔnnʋlɩɛ ɩya pɔɔklalɩlɛ nɩkplaan, a klaklalɩ, ‑walʋ nɩkplaan.

‑Abhɔlɛwɔlɩ bhlogbɩɩ 'la 'wlʋlʋa anyɩ neen, ‑ma ɩ 'plɩ wɔɔnanɩ, ‑ɩ ‑cɩ ka 'lɛ maa ‑ɔ 'nui 'lɛ na, 'nanɩ nʋ na.

Cɩɩnkalɔ, pɔlɛkʋsisie, dɔgbɛ, 'slagbʋ, ncaavlalɩɛ, ɩmɩ ‑naa ‑tɛtɛa 'wlʋ anyɩ sidiin, ɩya ‑abhɔlɛ 'la 'cia ‑tɛtɛa.

A ‑ka dɔgbɛ 'ma na, a 'la nʋa nyinyi ɩya 'ylʋ 'la bhlilia ala dɔgbɛa. A 'la 'nyɩa gɔzɛ 'plɩlɩda ‑ylɛylɛ.

Na, ɩ ‑fata lebhe a tenɩ ala ‑godogodo -nʋnʋgbɩa ɩya a 'wlʋnɩ ‑godogodo nclɔɔa 'la kua nɩkplaan, ‑ɔ nyumolu 'lɛ ɔcɩ 'nyiglilinyiglililɩɩa 'la 'tʋa bɩ 'kʋ na. Ɩ ‑fata lebhe a te Laagɔ 'la 'Wugoa ne ɩya ʋ kaci ala wɔɔgugwie ɩya a 'ka ncaaleli 'plɩ. A -pla ncaaleoa 'la kua nɩkplaan, ‑ɔ ‑nʋɔ 'lɛ saa Laagɔ ‑wa 'lɛ, 'kʋnylugolulɩɛ ɩya ‑kplɔlɩɛa ‑ɩ 'wlʋlʋ ‑nʋawlɛ nɩkplaan na 'la 'sasʋʋn na.

A 'sɩslɩlɩ ɩya pupue nɩkplaan, a kalɩ nebhloplɩlɩɛa 'Wugoa nyɩ 'lɛ anyɩ na.

Na, vavalɩɩa ɔ 'nyɩ 'lɛ na, ɩmɩ ‑ɩ ‑glɩ 'lɛ lobhulobhunya, Laagɔnekʋnyɩtɛnya*, Dɩnanɩa* 'la ‑sanya, canya, maa ‑ɔ lɩ 'lɛ Laagɔ 'la 'lɔlʋa 'klʋ na, ɩya ɔ 'ka ‑kplɔkplɔnyaa bhɔsʋa, ma 'ka lobholia ‑ɩ cɩ ka 'lɛ Klisi 'la 'nyɛkɛa 'ghlibholi na nʋlɩɛ mino ɩya ‑anyɩa 'fɩan ‑a ka pɔɔtɛtɛa ɩya Laagɔ 'la 'Cʋa 'la cibhlililiea nɩkplaan bhlo 'plɩ, ‑a ka ‑glɛɛ ɩya a ka daa Klisi ŋeni na ŋenimʋ.

Na, ‑a cɩ 'tanɩ 'cisanpɔlɩ 'plɩ, maa ‑naa gegaagbɩa nʋ 'lɛ ‑leke ‑leke, 'nyɩ yooyo ‑cacawɔlɩa ‑tɛtɛa 'la ‑pupolua famʋ 'lɛ 'nyɩ ncɛlɩ maya mala ‑kplakplaa 'nyiglili 'lɛ 'nyɩ ma mlɔa 'lɛ na. ‑Ma ‑a nyɩtɛnɩ 'lɛ ‑nʋawlɛ, ‑walʋ nɩkplaan na, ‑a cɩ ka ‑glɛɛ ‑tɛtɛa 'fɩan nɩkplaan, ɩya ‑a ka klisi, ‑ɔ ‑glɩ 'lɛ 'wlua na, 'bhisa 'kʋ 'plɩ.