Popular Bible Verses from Efz 5

Share

A ‑glɩ 'lɛ Laagɔ 'la ‑wawacuoa na, 'dɛndlana a dɩbalɩɔ. A namʋnʋ ‑walʋ nɩkplaan, Klisi 'bhisa. Ɔ ya ‑anyɩ wabha 'nyɩ ɔ ya 'lɛ ɔmɔ 'titi ɔcɩ ‑sa, ‑ala gbʋ le vavalʋʋa ɩya ‑teyiyimlɛa ‑ɛ ‑ka 'lɛ Laagɔ 'tʋ na.

Na, a zʋlʋ ala 'namʋa pɔlɛ 'kʋ. A 'la namʋa le ‑badaaglunya, ‑ma a namʋ dɩgalɩnya 'bhisa, ɩya a cibhlili clɩɩa nɩkplaan ‑a ‑kʋ 'lɛ na klasa, sa clɩɩa nɩkplaan ‑a ‑kʋ 'lɛ na, ɩ ‑nyu.

A 'la tɩa acɩ ‑diinvɛɛn, ka ɛ nyumo 'lɛ nclɔɔ, ‑ma, 'naa 'Wugoa 'nyɩ -ʋ yeli anyɩ. A nyɩtɛlɩ labhlɩfluwaa nɩkplaan 'la wɔlɩa nebhlo, a bhlɩ lɩɩa ‑ɩ wo 'lɛ Laagɔ ‑evli na, a bhlɩ ɩya a jaka Laagɔ ala pɔlɩa 'cin. A bhɔlʋ To Laagɔ clɩɩa 'fɩan, wɔlɩa ‑tɛtɛa 'la gbʋ, ‑ala ‑Kwlenyɔ Zozi Klisi 'la 'ŋlɩa nɩkplaan.

Ɩla gbʋ na, a 'la 'plɩa 'tututunya, ‑ma a 'nu ɩmɩa ‑Kwlenyɔa 'matɩlɩ anyɩ wlɩɩn na.

Ŋodi, wabha ‑n nʋŋlɔ, saa Klisi wabha 'lɛ ‑laagɔnɩkplaa 'nyɩ ɔ ya 'lɛ ɔmɔ 'titi ɔcɩ ‑sa ala gbʋ.

Sa ‑bɛkadaa, a ‑kʋa 'tutuun, ‑ma ‑pɔtɔnʋ, ‑Kwlenyɔ nɩkplaan, a ‑kʋnɩ zezezeliin. Na, a namʋnɩ le zezezeli 'la 'cuo 'bhisa.

Na, anyɩa ‑ɔ ‑ka 'lɛ Klisi 'la zʋlɩɛ na, nclɔɔ nclɔɔ ‑la ɔcɩ ‑dʋdʋ 'kʋ ɩya ɔ 'nyɩ ɔ 'yʋ.

'Ŋlɔ, 'maa ‑la ‑ncɩ ‑dʋdʋ 'kʋ ɩya ‑n 'nyɩ ‑n ‑ŋuto, le saa ‑n la 'lɛ ‑ncɩ ‑dʋdʋ 'kʋ ‑n 'nyɩ 'lɛ ‑Kwlenyɔa na.

Na, anyɩ ‑ma, ɩ ‑fata lebhe nclɔɔ nclɔɔ wabha ɔ nʋŋlɔ le ɔmɔ 'titi ɔcɩ 'bhisa, ɩya 'ŋlɔ ‑ma, ɔ kalɩ ɔ ‑ŋuto 'la zʋlɩɛ.

Ɩla gbʋ, dɛ ncaaŋodi cɩ 'ka 'lɛ ɔ 'nɔ ɩya ɔ to cɩɩnwlʋlʋ, ɔ 'ka ɔ nʋŋlɔ cɩmɛ, ɩya maa ‑mɔsɔa 'ka 'nyɛkɛ bhlo 'plɩ.

A 'la kʋmʋa 'tutuun 'la nʋnʋgbɩa ‑ɩ tlʋ 'ta 'lɛ 'ca na nɩkplaan, ‑ma a wlɩɩ ‑zɔn.