Popular Bible Verses from Luka 16

Share

Mutu kaufela ya sepahala ka ze nyinyani, u ta sepahala ni ka ze tuna. Ya sa sepahali ka ze nyinyani, h'a na ku sepahala ni ka ze tuna.

“Ha ku na mutu ya ka sebeleza malena ba babeli. Ya cwalo u ka toya yo muñwi, mi a late yo muñwi, kamba u ta kuteka yo muñwi, mi a shwaule yo muñwi. Ha mu koni ku sebeleza hamoho Mulimu ni bufumu.”

Cwale haiba ha mu si ka sepahala ka za bufumu bwa lifasi, mu ta sepahala cwañi ka bufumu bwa niti? Mi ha mu si ka sepahala ka za ba bañwi, ki mañi ya ta mi fa ze ne mu ta ba ni zona.

Kono Abrahama a li ku yena, ‘Ha ba hana ku teeleza Mushe ni bapolofita, ha ba na ku kolwa niha ku ka zuha ya n'a shwile.’ ”

“Munna kaufela ya leleka musal'a hae ku nyala u sili, wa buka, mi ya nyala musali ya kauhani ni munn'a hae, wa buka.