Popular Bible Verses from Luka 17

Share

Cwale Jesu a li ku yena, “Nanuha, u zamaye. Tumelo ya hao i ku folisize.”

Haiba a ku foseza hasupile zazi li li liñwi, mi ka nako ni nako a nz'a t'o inyaza, u swanezi ku mu swalela.”

Yo muñwi wa bona h'a bona kuli u folisizwe, a kuta a lumbeka Mulimu ka linzwi le li pahami. A t'o ikwiseza fafasi kwa mahutu a Jesu a nz'a itumela ku yena. Mutu yo, ne li Musamaria.

Mu tokomele! “Haiba mwanahenu a fosa, u mu kalimele, mi haiba a inyaza, u mu swalele.

Jesu kih'a bulela, a li, “Kana i ne si ba lishumi ba ba folisizwe, nji? Cwale ba bañwi ba supile ka ba babeli ba kai?

Mulena a alaba, a li, “Ha ne i ka ba kuli mu na ni tumelo ye fita fa peu ya masitete kwa butuna, ne mu ka kona ku bulelela kota ye ya feiga kuli, ‘Kumuha, u y'o itoma mwa liwate,’ mi ne i ka eza cwalo.

Mutu kaufela ya ka lata ku sileleza bupilo bwa hae, u ta sinyehelwa ki bona, mi ya ka sinyehelwa ki bupilo bwa hae, u ta bu pilisa.

Jesu a li kwa balutiwa ba hae, “Lika ze wiseza batu mwa sibi li tamehile ku ba teñi, kono bumai bu ku ya li tisa! Ne i ka ba hande ha n'a ka tamelelwa licwe-tuna mwa mulala mi a nepelwa mwa liwate, bakeñisa ku kenya nihaili a li muñwi feela wa ba banyinyani bao mwa sibi.

Se si ezahalile ka nako ya Nuwe ki sona se si ta ezahala ni ka nako ya ka, na, Mwan'a Mutu. Batu kaufela ne ba nze ba ca, ba nwa, banna ne ba nyala, mi basali ba nyaliwa, ku fitela zazi leo Nuwe a kena mwa Aleka. Muunda o mutuna wa fita, mi wa ba bulaya kaufela.