Popular Bible Verses from Jakobo 3

Share

Haili butali bo bu zwa kwa lihalimu, bona, bu kenile, mi hape bu na ni kozo ni musa ni makeke. Bu na ni sishemo, mi bu tahisa likezo ze nde ka buñata. Ha bu na sishweka nihaiba muipo.

Kana ku na ni mutu ya ni ni butali ni kutwisiso mwahal'a mina? A iponahaze ka bupilo bwa hae bo bunde, ni ka likezo ze nde z'a eza ka ku ishuwa ni ka butali.

Peu ye calwa ka kozo, i tahiseza baezi ba kozo ba ba i cezi miselo ye lukile.

Fo ku na ni muna ni buikupuli, ku na ni mifili-fili ni mikwa ye maswe kamukana.

Lwa lu sebelisa ha lu itumela ku Mulena Ndat'a luna, kono hape lwa lu sebelisa ha lu lwahaka banabahabo luna ba ba bupilwe ka siswaniso sa Mulimu! Manzwi a buitumelo ni a matapa, kaufela a zwa kwa mulomo u li muñwi. Banabahesu! Ku si ke kwa ba cwalo!

Lulimi lu swana ni mulilo. Ki lifasi la bumaswe. Lu na ni sibaka sa lona mwa mubili wa luna, kono lu sinya butu bwa luna kaufela! Lu yakisa nzila ya bupilo bwa luna kaufela ka mulilo o lu fumani kwa liyangalilo kasibili.

Kono ha ku na mutu ya konile ku tapisa lulimi. Lu maswe, mi ha lu koni ku sikululwa. Lu tezi mabeela a bulaya!

Banabahesu, ba bañata ku mina ba si ke ba hanelela ku ba baluti. Sina ha mu ziba kuli, luna baluti lu ta atulwa ka tata hahulu ku fita ba bañwi.