Popular Bible Verses from Jakobo 4

Share

Cwalehe, mu ipeye ku Mulimu. Mu hanyeze Satani, mi u ta mi saba.

Mu sutelele ku Mulimu, mi ni yena u ta sutelela ku mina. Baezalibi, mu tapise mazoho a mina! Ni mina baipi, mu kenise lipilu za mina!

Mu ikokobeze fapil'a Mulimu, mi u ta mi hulisa.

Mane sishemo sa hae ki se situna ku fita ku tukufalelwa ko kwa hae. Kakuli Mañolo a li, “Mulimu u hanyeza baikuhumusi, kono u shemuba ba ba ishuwa.”

Hakulicwalo, mutu ya sa ezi bunde bw'a ziba kuli u swanezi ku bu eza, u eza sibi.

Mi niha mu kupa ha mu fiwi, kakuli mihupulo ya mina i maswe. Mu kupa lika za ku itusisa mwa minyaka ya mina.

Batu ba ba sa sepahali! Kana ha mu zibi kuli ku ba mulikan'a lifasi ki ku ba sila sa Mulimu? Ufi ni ufi ya bata ku ikeza mulikan'a lifasi u fetuha sila sa Mulimu.

Ha mu zibi kamba mu ka zuha cwañi kamuso! Mu swana ni mbundunyana feela ye bonahala ka nako ye kuswani mi hape ya fela.