Popular Bible Verses from 1 Pitrosi 3

Share

Kono mu be ni likute ku Kreste mwa lipilu za mina, a be yena Mulen'a mina. Mu itukiseze ka nako kaufela ku alaba mutu ufi ni ufi ya kupa ku talusezwa ka sepo ye mu na ni yona. Kono mu eze cwalo ka musa ni ka likute. Mu be ni lizwalo le linde, kuli ha mu tamiwa litaba, bao ba ba bulela ze maswe ka mikwa ya mina ye minde, sina ha mu li balateleli ba Kreste, ba te ba swabiswe ki ze ba bulela.

Kakuli Mulimu u talimezi ba ba lukile, mi kamita u teeleza litapelo za bona. Kono ba ba eza ze maswe, wa ba kelyeka!”

Mu si ke mwa lika ku ekeza kwa bunde bwa mina, ka ze bonahala kwande, i be ka mo mu lukiseza milili ya mina, kamba ka lifaha za gauda ni liapalo ze nde ze mu ka apala. Kono bunde bwa mina i be bwa mwahali, ili bunde bo bu sa feli, bwa pilu ye kuzize, ye na ni musa, ya butokwa mwa meeto a Mulimu.

Sina mo ku ñolezwi kuli, “Mutu kaufela ya bata ku ikola bupilo ni ku ba ni mazazi a tezi tabo, a tuhele ku bulela ze maswe, ni buhata. A tuhele ku eza ze maswe, mi a eze ze nde. A batisise kozo, mi a i tundamene.

Ka ku feleleza, ni li cwana. Kaufel'a mina mu be ni mihupulo ni maikuto a li mañwi. Mu latane sina bana ba mba, mi mu be ni musa ni buikokobezo. Mu si ke mwa kutisa bumaswe ka bumaswe, kamba litapa ka litapa. Kono mu tohonolofaze, kakuli ki litohonolo l'a sepisize ku mi fa lona Mulimu, muta a mi biza.

Ki mañi ya ka mi utwisa butuku haiba mu tundamezi ku eza ze nde?

A tuhele ku eza ze maswe, mi a eze ze nde. A batisise kozo, mi a i tundamene.

Kakuli ki ko kunde ku nyandisezwa likezo ze nde, haiba ki yona tato ya Mulimu, ku fita ku nyandisezwa likezo ze maswe.