Popular Bible Verses from 1 Pitrosi 4

Share

Sihulu, mu be ni lilato la niti yo muñwi ku yo muñwi, kakuli lilato li kwahela libi ze ñata.

Yo muñwi ni yo muñwi wa mina a sebelise mpo y'a filwe ki Mulimu ku tusa ba bañwi, sina sikombwa se si sebelisa hande limpo ze fapani ze zwa ku Mulimu.

Ya kutaza kaufela, u swanezi ku kutaza ka manzwi a Mulimu. Ya sebeleza ba bañwi, u swanezi ku ba sebeleza ka maata a' fiwa ki Mulimu, kuli Mulimu a lumbiwe mwa lika kaufela ka Jesu Kreste. Kanya ni maata ki za hae kamita ni mita! Amen.

Kono haiba yo muñwi a nyanda kakuli ki mulumeli, a si ke a swaba, kono a itumele ku Mulimu h'a kona ku ipiza ka libizo la Kreste.

Mafelelezo a lika kaufela a fakaufi. Kifohe, mu pile ka ku iswala, mi mu tone kuli mu kone ku lapela.

Balikani ba ka, mu si ke mwa komokiswa ki muliko wa manyando ao mu li ku ona, inge mu tahelwa ki nto ye mu si ka twaela. Kono, mu tabe kakuli mu ikabela manyando a Kreste, ili kuli zazi leo kanya ya hae i ka bonahazwa, ni mina mu be ni tabo ye tuna.

Mandu a mina a kwalulelwe ba bañwi mu sa tongoki.

Cwalehe, ba ba nyanda ka ku eza tato ya Mulimu, ba zwelepili ba nze ba eza hande, mi ba beye sepo ya bona kaufela ku Mubupi wa bona ya sepahala.

Cwale ka ku bona kuli Kreste u utwile butuku mwa mubili kabakala mina, mu swanezi ku itiisa ni mina ka ku ba ni muhupulo o swana ni wa Kreste. Kakuli ya utwile butuku mwa mubili wa hae u tobohile sibi. Cwale, ku zwa nako yona ye, mu swanezi ku pila bupilo bwa mina mwa lifasi mo ka ku latelela tato ya Mulimu, isiñi litakazo za mibili ya mina.

Haiba mu nyefulwa kakuli mu balateleli ba Kreste, mu na ni litohonolo. Kakuli ku bonahala cwalo kuli Moya wa kanya, Moya wa Mulimu, u tile fahalimw'a mina.