Popular Bible Verses from Proverbia 12

Share

Mœror in corde viri humiliabit illum, et sermone bono lætificabitur.

Qui diligit disciplinam diligit scientiam ; qui autem odit increpationes insipiens est.

Est qui promittit, et quasi gladio pungitur conscientiæ : lingua autem sapientium sanitas est.

Via stulti recta in oculis ejus ; qui autem sapiens est audit consilia.

Fatuus statim indicat iram suam ; qui autem dissimulat injuriam callidus est.

Mulier diligens corona est viro suo ; et putredo in ossibus ejus, quæ confusione res dignas gerit.

Abominatio est Domino labia mendacia ; qui autem fideliter agunt placent ei.

Qui negligit damnum propter amicum, justus est ; iter autem impiorum decipiet eos.

Labium veritatis firmum erit in perpetuum ; qui autem testis est repentinus, concinnat linguam mendacii.