Popular Bible Verses from Proverbia 13

Share

Qui cum sapientibus graditur sapiens erit ; amicus stultorum similis efficietur.

Qui custodit os suum custodit animam suam ; qui autem inconsideratus est ad loquendum, sentiet mala.

Qui parcit virgæ odit filium suum ; qui autem diligit illum instanter erudit.

Spes quæ differtur affligit animam ; lignum vitæ desiderium veniens.

Justitia custodit innocentis viam, impietas autem peccatorem supplantat.

Substantia festinata minuetur ; quæ autem paulatim colligitur manu, multiplicabitur.

Inter superbos semper jurgia sunt ; qui autem agunt omnia cum consilio, reguntur sapientia.

Bonus reliquit hæredes filios et nepotes, et custoditur justo substantia peccatoris.

Filius sapiens doctrina patris ; qui autem illusor est non audit cum arguitur.

Egestas et ignominia ei qui deserit disciplinam ; qui autem acquiescit arguenti glorificabitur.