Popular Bible Verses from Proverbia 11

Share

Anima quæ benedicit impinguabitur, et qui inebriat, ipse quoque inebriabitur.

Alii dividunt propria, et ditiores fiunt ; alii rapiunt non sua, et semper in egestate sunt.

Ubi fuerit superbia, ibi erit et contumelia ; ubi autem est humilitas, ibi et sapientia.

Ubi non est gubernator, populus corruet ; salus autem, ubi multa consilia.

Fructus justi lignum vitæ, et qui suscipit animas sapiens est.

Qui ambulat fraudulenter, revelat arcana ; qui autem fidelis est animi, celat amici commissum.

Benefacit animæ suæ vir misericors ; qui autem crudelis est, etiam propinquos abjicit.

Qui confidit in divitiis suis corruet : justi autem quasi virens folium germinabunt.

Non proderunt divitiæ in die ultionis ; justitia autem liberabit a morte.

Simplicitas justorum diriget eos, et supplantatio perversorum vastabit illos.

Circulus aureus in naribus suis, mulier pulchra et fatua.

Statera dolosa abominatio est apud Dominum, et pondus æquum voluntas ejus.