Popular Bible Verses from Joannis I 2

Share

Nolite diligere mundum, neque ea quæ in mundo sunt. Si quis diligit mundum, non est caritas Patris in eo : quoniam omne quod est in mundo, concupiscentia carnis est, et concupiscentia oculorum, et superbia vitæ : quæ non est ex Patre, sed ex mundo est.

Et mundus transit, et concupiscentia ejus : qui autem facit voluntatem Dei manet in æternum.

Qui dicit se in ipso manere, debet, sicut ille ambulavit, et ipse ambulare.

Filioli mei, hæc scribo vobis, ut non peccetis. Sed et si quis peccaverit, advocatum habemus apud Patrem, Jesum Christum justum

Qui dicit se nosse eum, et mandata ejus non custodit, mendax est, et in hoc veritas non est.

Et in hoc scimus quoniam cognovimus eum, si mandata ejus observemus.

Qui dicit se in luce esse, et fratrem suum odit, in tenebris est usque adhuc.

Quis est mendax, nisi is qui negat quoniam Jesus est Christus ? Hic est antichristus, qui negat Patrem, et Filium.

Omnis qui negat Filium, nec Patrem habet : qui confitetur Filium, et Patrem habet.