Popular Bible Verses from Songs 31

Share

So den. Stay strong inside, An no sked notting, All you peopo dat stay wait Fo wat Da One In Charge Goin do bumbye!

You stay in charge a eryting Dat goin happen to me bumbye. So, get me outa trouble From da peopo dat stay look fo me Cuz dey like make me suffa.

Eh God! You awesome, How good you stay! You stash plenny good tings Fo da peopo dat feel jalike dey sked Wen dey stay in front you. You do plenny Fo help da peopo dat come by you Fo you take kea dem. You do good tings fo dem In front erybody.

But eh, you Da One In Charge! I stay trus you. I tell, “You, you da God fo me!”

Cuz you, you jalike one big rock fo me, An one place fo me hide inside da mountains. Now, show me how Fo get outa dis bad place, Fo erybody know wat kine god you.

Dass why I turn ova my life to you, Cuz I stay trus you. Eh! Da One In Charge, I like you get me outa all dis, Cuz you da kine god I trus.

Eh, all you peopo Dat stay tight wit Da One In Charge, Get love an aloha fo him! Da ones dat live Da way he like fo dem live, He proteck um. But anybody dat ack high makamaka, Da One In Charge Pay dem back big time fo dat.

Eh! You Da One In Charge! You da One fo proteck me. No let nobody make me come shame long time! Get me outa trouble Fo notting bad happen to me, Cuz you erytime do wat stay pono.