Popular Bible Verses from Songs 32

Share

Da One In Charge tell: “I goin help you undastan An show you da way you suppose to go. I goin tell you wass da bestes ting fo you fo do, Cuz I stay watch out fo you.

You, you jalike one place Wea I can hide from trouble. You proteck me wen get hard time. You put peopo aroun me Dat yell plenny Cuz dey stay good inside, Cuz you wen get me outa trouble. (Time out fo da music.)

But den, I wen tell you fo real kine Dat I wen do bad tings, An I no try fo hide no moa Wat I know was wrong fo me do. I wen make up my mind, Dat I goin tell Da One In Charge All da tings I wen do agains you. Cuz a dat, you wen let me go, An hemo da shame Fo da bad tings I wen do. (Time out fo da music.)

You goin stay good inside If God hemo yoa shame Fo da stuff you wen do agains him, An if God no hold agains you, Da bad kine stuff you wen do.

Eryting goin go good fo you If Da One In Charge no tell He gotta punish you, An if you da kine guy Dat no bulai notting inside.

Cuz a dat, I like tell dis: All da peopo dat stay tight wit you, Good dey pray to you Erytime dey get trouble. Jalike wen da big flood come down, An no hit dem.