Popular Bible Verses from Songs 30

Share

Ony fo short time, he come huhu But all yoa life, he do good stuff fo you All nite, you feel jalike you goin cry, But den morning time come, An you like yell Cuz you stay feel real good inside.

Wen I was sad an crying, You wen make me feel good inside, So I like dance an sing! Wen I was wearing ony funeral kine clotheses, You wen take um away An give me clotheses dat show I feel good inside! Cuz you wen do dat, Now eryting inside Sing bout how good you stay. Dass why inside me I no stay quiet. Eh! You Da One In Charge! You da God fo me! I goin tell good tings bout you, All da time!

Eh! You Da One In Charge! You da God fo me. I wen yell fo you help me, An you wen help my body Come good one mo time.

Eh! All you peopo Dat stay tight wit Da One In Charge! Sing to him! Tell dat you know wat kine god him, Cuz you guys no foget Dat Da One In Charge stay good an spesho.

Eh! You Da One In Charge! I stay tell good tings bout you Cuz you get me outa trouble! Da peopo dat stay agains me, You no let dem win ova me An feel good bout dat.