Popular Bible Verses from Smart Guys 27

Share

Fo make sharp someting iron, Need iron. Fo make sharp one fren, Need anodda fren.

No talk big bout wat you goin do tomorra. Cuz you donno wat goin happen den.

Wen yoa good frenz tell you, You wen do someting wrong, You feel jalike dey make you bleed, But still yet, you can trus dem. Wen somebody dat hate you kiss you plenny time Az cuz dey stay bulai you.

You look down inside da watta, You see yoa face. You look inside you, You see wat kine guy you fo real kine.

Mo betta you let somebody you donno talk big bout you, An not you. Mo betta you let somebody from anodda place Tell good tings bout you, So you no need say notting.

Wen somebody come in front erybody Fo tell um you wen do someting wrong, Az mo betta Den if somebody get love an aloha fo you, But dey no say notting.

Da kine wahine dat stay grumble to you fo do someting all da time, Her jalike wen get rain all day an get leak in da roof!