Popular Bible Verses from IPERIU 12

Share

Ia vei keda, era sa vakavolivoliti keda talega e dua na i lala i vakadinadina levu. O koya oqo me da biuta laivi sara kina na veika kecega era vakabibitaki keda tu kei na i valavala ca sa kabiti keda matua tiko, ka me da ciciva tikoga ena yalodei na veisisivi sa tu e matada. Me da raici Jisu matua tikoga, o koya sa vakatekivuna ka na vakataucokotaka talega na noda vakabauta. A sa sega vakadua ni soro ena vuku ni kauveilatai! Ia, ena vuku ni reki sa waraki koya tu, a sa sega ni maduataka kina na mate ena kauveilatai ka sa dabe tiko edaidai ena liga i matau ni tikotiko vakaturaga ni Kalou.

Ena gauna eda vakadodonutaki kina, sa vaka me ra ka mosimosi kecega na veika e sotavi, ka sega ni ka me da marau kina. Ia kevaka eda sa vulica rawa kina na bula ni talairawarawa, eda na vuataka na vua ni yalododonu kei na tiko vakacegu.

Ni tovolea vakaukauwa mo ni tiko veilomani kei ira kecega na tamata ka bula voli ena yalosavasava, baleta ni na sega ni raica rawa na Turaga e dua na tamata ke sega ni yalosavasava.

Ni vakasamataki koya mada sa vosota na veivakacacani levu era vakayacora vua na tamata i valavala ca! O koya oqo, ni kakua sara kina ni yalolailai se soro koso.

O koya oqo me da ia kina na vakavinavinaka, baleta ni sa soli me noda na matanitu sa sega ni vakayavalati rawa. Me da marau ka cuva vua na Kalou ena sala sa lomavinaka kina o koya, ena vakarokoroko kei na rere

Ni vosota na veika rarawa ena vuku ni veivakadodonutaki, me vaka ni ra i kuita ni dua na tama; na nomuni vakararawataki vakaoqo sa vakaraitaki kina na nona sa okati kemuni na Kalou mo ni luvena. O cei na gone sa sega ni bau cudruvi koya o tamana?

ni sa bukawaqa dau veivakarusai na noda Kalou.

O ira na tamada vakayago era sa vakadodonutaki keda vakalekaleka ga, me vaka na veika era sa nanuma; ia sa vakadodonutaki keda ga na Kalou me da vinaka kina, ka vakaivotavota ena nona yalosavasava.

Ena nomuni veivorati kei na i valavala ca, o ni se sega mada ni vala me la'ki yacova sara na vakadavei ni nomuni dra.