Popular Bible Verses from IPERIU 13

Share

Ni sereki kemuni mo ni galala mai na kena domoni na i lavo, ka mo ni yalovakacegu ga ena vuku ni veika o ni sa rawata, ni sa rauti kemuni vinaka. Ni sa kaya vakaoqo na Kalou, “Au na sega ni biuti iko, se cakitaki iko.”

Sa i koyakoya tiko ko Jisu Karisito ena siga sa oti, kei na siga edaidai ka tawamudu.

O koya oqo me da sa kaya kina ena yalo doudou, “Sa noqu dauniveivukei na Turaga, Ka'u na sega kina ni rere. A cava na ka ena kitaka vei au na tamata?”

Ni kua ni guilecava mo ni dau caka vinaka ka dau veivukei, baleta ni sai ira oqo na i madrali sa vakalomavinakataka na Kalou.

O koya oqo me da cabora tikoga kina vua na Kalou na noda i madrali ni vakavinavinaka ena vuku i Jisu, na i madrali sa cabori mai na tebe ni gusu sa vakatusa tiko na yaca ni Turaga.

Sa dodonu me ra doka na tamata kecega na vakawati, ka me rau yalodina tikoga na veiwatini ena kena maroroi na savasava ni nodrau i mocemoce. Ni na lewai ira ga na dau kitaka na i tovo vakasisila ni yago kei ira na dauveibutakoci na Kalou.

Ni kakua ni guilecava mo ni dau veikidavaki ka vakacegui ira na vulagi ena nomuni vale. Eso era a kitaka vakakina ka ra sega tiko ni kila ni ra sa kidavaka ka vakacegui ira tiko eso na agilosi.

Ia na Kalou dauveivakacegui, o koya sa vakatura cake tale mai na mate na noda Turaga ko Jisu, ka nodra i Vakatawa Cecere na sipi ena vuku nona dra sa dregati kina na veiyalayalati tawamudu — me qai vakaiyaragitaki kemuni sara o koya ena veika vinaka kecega mo ni vakayacora rawa kina na lomana, ka me qai cakacakataka o koya e vu-ni-lomada na veika sa vinaka vua, ena vuku i Jisu Karisito, o koya me ia vua na vakarokoroko ka sega ni mudu. Emeni.